(06-11-21)星期六
今日約左好耐無見老人家跑友去飲早茶吹吹水.........
呢間點心無乜特別．正常味道。沙爹牛肉炒河味道都可以。
瑤桂蛋白炒飯唔掂好咸呀..........
飲完茶都一點半、而我仲有另一個約會相差2個鐘.......去邊度好?
咁搭巴士去太古城Hea下先.........夠鐘先上師妹、師弟屋企。
為他慶祝新居入伙.......
另一位師弟係Chateraise 買左日本人氣No.1既"千層蛋糕"
等齊人切蛋糕啦、"千層蛋糕"好食又唔太甜........正
嘩~~冇諗過入伙都有出名既燒味店"新桂番"燒乳豬食。
師弟仲整左羊架添........
羊架好食但唔夠"so"味．乳豬皮脆肉嫩又好食又唔肥.......正呀
仲有粟米湯都好好飲、我都飲左三碗
餐後仲有雪條食...........yummy
(07-11-21)星期日
今日又約左中學同學去"明星金閣"飲早茶.............
飲完茶都下午12點半．搭巴士返屋企又估下馬仔........
今日好好彩頭場同第2場都估中贏左少少錢.........
琴日係師妹屋企羅左個乳豬頭、所以今日羅黎煲粥.........
晚餐~~瑤桂、乳豬頭粥.......清清地又一餐..........
(08-11-21)星期一
今朝又去賽馬會洗傷口、今次洗完傷口先食早餐。
食緊早餐朋友Send左飲食短片比我．推介呢間"雄記美食"
咁我又搵係邊度.........原來灣仔克街.......又去試下
呢間店出名用新鮮牛．所以我叫左"牛什粉"
試下湯先我覺咸左Ｄ、牛肚都ok、但唔覺得太出色......唔岩我口味
原來我坐既位牆身貼上我喜愛既漫画卡通"高達"同"蒙面超人"
返屋企冇乜野做又訓陣覺先............訓醒又到5點幾啦
又準備晚餐、今晚食番昨晚餘下既"乳豬頭粥同蕎麥麵"咁又一餐
(09-11-21)星期二
今朝8點半要見骨科醫生咁食過早餐先。
由8點半睇到12點幾、跟住搭小巴返公司交病假紙．
我病假又去到12月21日、但我仲有大假未放...........
HR~~同我度好大假如何放啦...........我2022年1月可能先返工
晚夜又同師妹、師弟聚飯局。今次約左係觀塘"孔夫子"
黑毛豬义燒~~咬落淋身好食
北京烤鴨~~OK
椒鹽吊片~~脆口好食
生煎蓮藕餅~~OK
黃金鍋巴~~夠脆卜卜
蒜蓉豆苗~~OK
酸菜魚~~酸酸辣辣好好食
艷影蝦球~~得獎美食、配芒果汁好食呀
生焗臘味飯~~秋天起食臘味合時又好食
(10-11-21)星期三
今朝訓到10點幾先起身、洗過臉穿好衫落街搭巴士去"漢發'
食豬潤麵.................巧食
琴日師妹送比我試下...........
晚餐~~腐皮．雲吞、菠菜麵又一餐
(11-11-21)星期四
今朝早起身咁食過杯麵先...........食完又訓過
訓醒食一條香蕉便算。
因今日阿嫂生日同她去尖沙咀"朗廷"食自助餐.........
如想要海鮮就講比職員知、佢會羅比你的.........
龍蝦多膏、螺多沙一般、蠔冇海水味淡茂茂
呢度地方又细、野食我覺得麻麻地..........
木匙用黎羅蒸海鮮、蒸好海鮮職員會羅比你
係得甜品好食.........
雪糕好食...........
呢間又貴野食唔多一般般無下次啦
(12-11-21)星期五
今朝睇早場又食過早餐先...................
梅艷芳~~我感覺好睇有共鳴、可能大家都有癌病要面對。
睇完戲又同阿嫂飲早茶。
近排食左好多野、所以今晚食少Ｄ同簡單Ｄ
(13-11-21)星期六
今朝早又約左跑友行山同食野、未行之前又食飽飽先......
今次去行(有天空之鏡)既流水響
路程好短行個零鐘
~~天空之鏡~~
行完就搭返小巴去上水站再轉小巴去食好野........
碌鵝~~唔太油腻好食。
煎鯪魚有Ｄ咸．皮唔夠脆........
炸大腸~~炸得唔夠脆但都可以。
下午食得太飽啦、晚餐~食杯麵便算。
(14-11-21)星期日
今早訓都11點幾．之後落街食早餐........好少飲凍奶茶既我
今日試下會唔會痾、萬試萬靈返到屋企就要去廁所。
食完早餐、經過"麥噹噹"順便買定"炸雞套餐"當下午茶先。
今晚同四哥去阿嫂屋企食"大閘蟹"、今次係我請的..........
每人有三隻公．一隻母.......但好少未太多膏不過都好食....
(15-11-21)星期一
每日都差不多咁樣過..............又到食午餐時候
下午又到．煎水餃食下
食完下午茶又訓下覺先..........訓醒、晚餐煮下粉皮加沙甸魚又一餐
(16-11-21)星期二
原本朝早去洗傷口但覺得可以自已洗所以無去啦....
咁食個早餐先.............
食完早餐無地方想去又返屋企........訓下
訓醒又煮番個蝦子麵、水餃當下午茶。
晚餐~~煎三文魚配雜豆又一餐。
(17-11-21)星期三
今朝訓到10點先起身之後搞掂晒．落街搭車去上環食午餐。
今日去上環食叻沙．因朋友講過呢間好食...........
而蔡瀾又話呢間係最正宗叻沙咁咪去試下。
睇落又幾正仲有其它店無既"獅蚶".......飲啖湯先
味道夠濃有少少辣幾好味.........不過我未食過新加坡叻沙....
所以唔知正唔正宗．但呢間"加東叻沙蝦麵"都岩我既.........
上環孖沙街8號地下...........
食完麵又四圍行下、又行到上環皇后街熟食市場
好耐未黎過食"粿"又上食.........又加左價啦
要係店內食煎粿基本一定要煎三個才可以............
２個煎韭菜"粿"．1個煎蔔白"粿".....煎左會香口好食D
食完粿、又幫阿嫂買粿．我又買多２個返屋企當晚餐。
食完粿以為夠飽點知到9點又肚餓、最後碌過杯麵當宵夜。
(18-11-21)星期四
每日都是咁樣過開始有Ｄ悶.............
今朝又搭車去灣仔鵝頸橋熟食街市"海記"食咖哩牛腩飯。
食完飯唔想行搭車返屋企訓覺............訓醒又差不多晚餐時間
原本唔想煮但醃左Ｄ蝦同雞胸肉.............
(19-11-21)星期五
前幾日係"面書"餐廳討論區見人Post左Ｄ相片話邊度
有好野食又平..........今日就試跟佢地講果間食店試下。
灣仔駱克道街市熟食中心"苑記"......
肉絲炒麵好耐冇食過、Ｄ麵炸得脆又香口．
芡汁唔太咸．酒家味道平民價錢$39蚊抵食
食完野經過"東方小祇園"順便買D"齊"返屋企當下午茶。
又好耐冇食過"齊"..........咖哩齊味道麻麻、齊义燒就好食Ｄ。
食完又訓陣.............醒左又唔想煮、落街去附近餐室買外賣
星洲炒米~呢間Ｄ野食OK架........岩我食但價錢就貴少少$48蚊
(20-11-21)星期六
今日約左跑友去深井"裕記"食燒鵝、所以訓到10點幾起身、
然後慢慢落街搭車去荃灣再搭小巴入"深井"會合行山跑友.........
等齊人點菜.......酒浸鵝肝、嫩滑好食........正
又食燒鵝好食.........滿足
食飽飽返屋企.........小巴到屋企附近食店順便係"黃大仙雞翼尖"
買"魚肉碗仔翅"當晚餐............
(21-11-21)星期日
今日又約左中學同學飲早茶..............
飲完茶返屋企又估下馬仔、今日好彩又估中左....哈哈哈
明知"十賭九騙".........只是消磨時間
煮埋前幾日配好既蝦同雞胸當晚餐...........
(22-11-21)星期一
今朝有點凉係床碌來碌去到8點起身、原本琴晚諗住早Ｄ起身
去食早餐然後睇早場.........最後遲了只睇早場"捉鬼敢死隊"
睇完戲剛好食午飯、去左"敏華冰室"食"葱油煎隻蛋豬扒飯"~正
食飽返屋企趁凉凉地休息下..........又訓醒
又煮Ｄ簡單晚餐...........
(23-11-21)星期二
今日又去灣仔"駱克道熟食中心"食午飯
今次試左"干炒牛河".......OK喎食完唔太多油。
食完飯去會朋友搭車上山行一行.........
行都最尾先見到小小紅葉
朋友繼續由山頂行返筲箕湾..........我就四圍影下相先
山頂麥噹噹仲有呢D公仔喎
漢寶神偷
影完搭返車落灣仔....經過"南記"食過"招牌河粉"當下午茶。
晚餐~~又食杯麵又當一餐
(24-11-21)星期三
今日訓到10點幾、搞左一輪後都差不多食中午飯、
咁落街去附近餐室食飯........."涼瓜炒牛肉飯"
食完飯返屋企又訓陣先............阿嫂send Whatsapp
黎話今晚想去牛頭角大排檔食飯
阿嫂係熟客才有蝦片送.......
兩個人叫左四款野............巧飽呀
以前平民屋企既擺設
(25-11-21)星期四
今朝早又去東區覆診、咁食過早餐先
睇完眼科即搭車返屋企因放大左瞳孔好鬼光............
去麥噹噹買"三重芝士安格斯套餐"當午餐試下............又幾好食
晚餐~~食清清地
(26-11-21)星期五
今日約左師弟、師妹飲下午茶、未夠鐘去太古城行下
見到"怪獸公司"卡通公仔
又夠鐘會合師弟、師妹飲下午茶啦..............巧飽呀
晚餐~~食個蛋糕又當一餐..............
明日去師妹屋企天台BBQ...........
(30-11-21)星期三
荷李活廣場
(03-12-21)星期五
今日公司開聖誕派對．所以落銅鑼灣行下先返公司。
沿途經過某地方見到超大牆上大畫
睇完Time Square(Pucky)~就行去(Hysan)睇蜘蛛俠
睇完蜘蛛俠就返公司
下午4點到公司．但聖誕派對要7點先開始食同抽獎
食左兩輪野都抽唔到奬.............又要等下年啦
(04-12-21)星期六
阿嫂早前約左腫瘤專科醫生見面、想聽下醫生意見。
醫生寫左封見意信比東區醫生
內容大約再抽骨髓..............好痛呀喎...........
寫左Ｄ新化療同標靶藥.............唔知東區醫生會唔會接受呢?
(06-12-21)星期一
金鐘站
(14-12-21)星期二
今日自已部門係金鐘香格拉里食聖誕自助餐。
所以由屋企搭巴士落尖沙咀碼頭再搭船過灣仔碼頭。
今年海運大厦有擺聖誕装飾............幾得可愛
影完相搭船過灣仔碼頭、落左船又見灣仔海濱有聖誕装飾。
又影完相又向中環方向行去金鐘站、沿途有紫色風帆比賽。
紫色風帆好覯喎
高過成個人既暖水壺
6點15分到左金鐘香格里拉但都要等到6點半先入得場......嗚鳴嗚
入得場影下Ｄ野食先...........
食得啦...............但野食有Ｄ好睇唔好食
今晚冇野食我有重覆食就知麻麻地.................
今朝早又去東區醫院覆診、覆診完返公司交保險表。
公司今年向每個人送聖誕籃一個
(23-12-21)星期四
返排唔想郁同出街好懶呀............但今日落街都唔知想去邊?
最後巴士落新浦崗Mikiki食野................
Mikiki有咸蛋超人喎.................正
呢個套餐賣相唔錯、可惜個油飯唔多得、而其它野食都唔錯
祝妳聖誕快樂及新年快樂
