剛剛食完小籠包,但係又唔多飽.所以四周圍睇下仲有咩好嘢食.
行行下見到有"胡椒餅",一於去試下先.
我係"澳門"都食過,味道好好食.我諗係"台北"一樣咁好食.
嘩,等咗十分鐘.主角出爐啦........同我係"澳門"食有d唔同喎,個個都圓碌碌,好Q
不過係"澳門"就成個餅咁.......新鮮出爐食落熱辣辣.肉汁多,真係好好美味呀.........正
食完"胡椒餅",望見斜對面又有檔"天津蔥抓餅".我見佢好似整"印度薄餅"咁,
但係有D唔同、係可以加其它材料夾嚟食.所以又去幫嚫.鬼叫我為食咩...........
睇佢番下炒下又加下嘢,好快手咁又整完一件.
件餅好大塊,我一個人食唔晒.所以份比跑友一齊食.......蔥爪餅美味唔錯,好好食.
大家食完嘢都有少少口渴.所以四周圍揾嘢飲.
好快我哋就揾到,又剛好係下午茶時間,所以有得平.....呢杯桃味飲品,味道都ok.
又飲完嘢,大家有自由時間行.咁我就同另一位跑友,行返剛才經過嘅"度小月"
其實,剛行嚟果時.已經見到呢間"度小月".有位跑友話,呢間肉燥好好食.我當時同
佢都好想食.不過.我哋要跟大隊一齊去揾食..........所以無試,但現在是自由時間.
我就同跑友去試食啦..............睇下連"蔡瀾"都推薦................
店內d待應都扮成"古裝人".
我哋諗住每人叫碗"肉燥飯"試下.但坐底才知要每人最低消費100元台幣.
我哋為咗要夠200元台幣,所以叫隻滷鴨蛋同滷貢丸,同係味道就好普通.
擔仔麵沒有乜特別,味道一般.
肉燥味道唔錯,但肉太細和太碎.如果大舊d就好啦......
香腸好食又好味道,唔錯.............................我最後買了兩罐"肉燥"返香港慢慢歎....
食飽飽就返酒店休息下、比時間消化下先,如果唔係今晚點去揾好嘢食..............
我哋一行十幾人坐幾部的士到"饒河街觀光夜市".呢到超多人同食檔.所以佢哋會右上左落.
行咗一陣,望都滷水檔.見到有好多不同款,正..............啱我食
我哋行咗一陣.覺得係時候坐底食下嘢同休息下.見到呢間有好多人食.
還有牆上貼滿d相.我諗應該會好好食啦.
我叫咗碗牛腩麵.睇落唔錯..........但可惜好睇唔好食.食落一d牛腩味都無失望 t_t
食完一般過一般牛腩麵,我哋又繼續行.我哋見到水果店有"白苦瓜".係"台灣"好出名
.而我又未飲過.一於試下."白苦瓜加菠蘿",飲落味道清甜,好飲............
囉住杯嘢,又向前行,又比見到幾得意嘅"迷你包".我咁為食,一定要試下食啦..........
不過,食落無乜特別.只是得意.......今晚食夠啦.明天要早起身.同跑友打氣兼影相.
