(29-11-14)星期六~~~今日好時間緊迫、中午12點搭工作人員巴士上山頂做比賽、
點知道大塞車要一個半鐘頭先上到去、慘.......
比賽我做到三點半又要4點趕到去中央圖書館隔離運動場教班、好彩有人載我落去
教到5點半又要6點趕到去灣仔運動場教班，好彩一年得一次咁趕姐~
唔係食幾多嘢都補唔番啦.............................
Time Square聖誕節裝飾好似無上年咁靚啦~~~而且今年d商場主題好相似呀
睇咗一間再睇另一間商場就冇乜驚喜
超得意嘅巨大卡通人物、都似我有個大肚腩~~哈哈哈
睇完廣場再搭電動扶手上商場、又係吹氣波波裡面有裝飾。
真係邊個抄邊個呀???
原來排隊就可以入去呢個波波影相喎
天空聖誕樹
今日有少少辛苦、好彩教完班。呀嫂打電話比我、話有大閘蟹食
佢話剛從上海攞番嚟、每隻都6至7両一隻
睇下超多膏、巧巧食~~~~我最鐘意食透明果部分、因為食落去
有黏黏地口嘅感覺、都幾得意~~~~~正呀
