The One (KUMAMOTO) / 皇室堡(反斗主題樂園)

復活節又嚟啦~~~得意公仔又出現各處商場、唔知兩呢度

吸唔吸引妳去睇下呢??

皇室堡

太平館(銅鑼灣)

(20-03-15)星期五~~~今日冇乜嘢做、又唔知道去邊知蛇下。

行行下經過太平館咪入去high tea、橫掂未試過。

睇下餐牌d價錢貴咗少少、但可以接受、原本想叫瑞士雞翼

但只得兩隻唔夠食、所以叫瑞士汁炒牛河、

嘩~~~好多汁喎、d汁又唔咸甜甜地都好食、不過都係果句太少啦~

呢杯0茶都幾好飲~~~都係果句太少啦~

食完飲完覺得唔夠再去飲番杯沙冰大綠茶先

(23-03-15)星期一~~~由家鄉落珠海食飯再在表弟家瞓一晚。

諗住星期一朝早同表姊食完午餐返澳門。但表弟話難得過嚟

食埋中午飯同晚飯先走啦我冇問題、表姊話要幫個女處理新店d嘢。

但都最後都食埋晚飯，我同表姊過澳門。

表姊諗住叫我到她家瞓一晚、第日去新店試食、但我又要返香港

所以冇去試、下次過嚟去試下先

亞坤Ya Kun(銅鑼灣)

(17-03-15)星期三~~~今日唔知點解特別肚餓、我中午已經食咗車仔麵啦、

唔通我生積~~話之你去揾食醫肚最緊要。行到呢度見到"亞坤"

諗起尖沙咀站見到成日有人排隊、咁就試下。

呢度有三層咁多、食下午茶應該唔使排隊啦。

上到去先知道要比咗錢買嘢先呀、我叫咗個吐司套餐

有隻咁嘅飛碟，好先進喎。

 普通生熟水蛋無乜特別、咖啡就特別少少、我對咖啡一般但都ok

芝士吐司都ok、但份量太少啦、下次要試食其它嘢先

大時代1960s~~世界名人(灣仔)

經過灣仔見到有展覽、咁順便入去睇睇。

D名人畫整得幾似、當行近d睇原來係用夾仔整~~~勁

作者用不同物料嚟整畫~~值得一看

21號返鄉下有幾日唔係香港、唔知到時我門口有幾多包垃圾呢?

真係唱番首~~~~麻煩

自家制湯水 / 打邊爐 / 肥姐小食

(08-03-15)星期日~~~朝早4點幾出去做比賽、做到10點然後飲茶，

一邊飲一邊想瞓~~超累、返到屋企睇下馬仔~~即瞓

瞓醒落街市睇下有咩買先、經過海鮮檔見到d蜆買20蚊3份～

咁就即買~~有咁多蜆用嚟煲湯而再買雞脚甜栗同埋冬瓜一齊煲

一定超甜~~~超好飲

食粟米用呢樣豬仔針、咁就方便好多啦(09年係加拿大買)現在有用啦

飲完湯~~隔多陣歎杯咖啡先~~~

(09-03-15)星期一~~~琴日d湯未飲晒、今日再飲。

有湯飲、咁整件自制三文治加埋韓國餃子~~~咁就飽飽啦

今日去惠康見到呢款韓國餃子做減價買$39幾、

泡菜餃子未食過買嚟試下、食落辣辣地又幾巧食喎~~l like

睇報紙見到創造Samson之父天遊了

我認識阿森一族、92係加拿大時間睇電視才識佢、

睇落又幾得意又幾搞好笑~~~祝一路好走

(10-03-15)星期二~~~今日想食咖喱、去咗鵝頸橋食熟街市

清真惠記食咖哩牛腩飯、而呢間同亞龍咖喱價錢唔同、

比較平都係一樣咁好食。

(11-03-15)星期三~~~今日天氣涼番d、而又早咗收工、咁去街市買嘢打邊爐

海鮮檔趕收工平買瀨尿蝦仔20蚊超多

雖然細細隻、但d肉都幾鮮甜

(13-03-15)星期五~~~星期二、三、四同管理員投訴唔知邊層拋

咗d花泥落嚟、咁朝早同夜晚都有垃圾一袋~~~~煩死人

(14-03-15)星期六~~~我醒瞓5點起身聽到外面鐵閘聲望出去又唔見到人、

但我開門已經又有一包、諗住咁早伏佢應該可以逐佢啦、

點知佢仲早~~~~~煩煩煩煩

唔理咁多、等管理員處理啦~~~落去club做運動、

做完運動搭車去旺角睇嘢同食酸辣麵、食完又行行行

又行到呢度、見到唔係咁多人排隊咁係買番三串嚟食先

化煩煩煩為食量~~~2串生腸1串豬脷~~~~巧食

食完小食過香港等6點教班、但現在3點咁早去邊好呢、

最後去咗運動場附近KFC坐、但冇理由淨坐唔食下嘢架

食少少嘢整番個下午茶啦~~~飽飽飽啦