鵝頸橋惠記 / 又公司生日爬地 / KFC(甜蜜蜜脆雞) / 屎撈人

(26-11-15)星期四

帶咗兩日飯食悶悶地、今日想食下咖哩刺激個腦等唔使變痴呆~~~哈哈

食完下午飯就等收工、因為下午請咗請去驗查牙仔。

又係同上次一樣睇唔夠2分鐘就話可以走、不過今次牙醫講

無牙錫唔使洗牙、我最怕洗牙啦~~~~咁早睇完返屋企街市

買嘢打邊爐~~~~

(27-11-15)星期五

今日又係公司生日爬地、所以食個大杯麵就算啦、等開Party

今日公司有好多人要清假、所以唔係咁多人開Party~~~

每次都不同款蛋糕、今次我喜歡食牛牛蛋糕多Ｄ~~~

厚多士好多同事都鐘意食、因巧食。

腸仔片整得嘢味巧食

滷水雞翼都唔錯

蜜糖脆雞粒~~~甜甜幾好食

以為公司少咗人會食唔晒、點知四大盤食晒~~~~

只留底半大個Pizza、咁我就打包回家慢慢歎啦~~~哈哈哈

(28-11-15)星期六

今早天氣涼涼地唔願起床、碌來碌去都11點先起身。

搞嚟搞去12點先出門去搭車過香港~~~過到灣仔成下午1點幾肚餓啦

今期KFC新推出咗(甜蜜蜜脆雞)、一於去試下

我覺得好食過韓國bbq炸雞~~~~

係跑馬地教完班又要急急腳行過去運動場教另一班、行經

麥當勞順便買個粟米批醫下肚先~~~食落甜甜地幾好味

教到8點收工返屋企~~~食埋打邊爐留下嘅菜、冬菇、丸同脆肉脘

全部拾埋晒一齊食~~~~

(29-11-15)星期日

工人放假今日返屋企陪呀媽同煮飯比佢食~~~

早幾日影嘅屎撈人

屎撈人幾勤力入厠所都睇書呢~~~~可能咁先可以暢快Ｄ唔定喎

Time Square(Lego星際大戰匯展)

(25-11-15)星期三

今日夜晚又開始轉涼真係要小心Ｄ呀~~~~~

今日又帶飯工、冇法啦月尾嗎!!我現在係"月光族"。

食完下午飯冇耐．到3點3口痕。行左禮頓中心地庫麥當勞

又見多左幾部自選售票機。我繼續排隊買魚柳包、

買完先知自選售票機可以買其它野、止多唔排隊啦。

琴晚同今晚收左工都去公司Club做運動~~~~努力keep fit

做完運動返屋企開餐~~~麥皮加香蕉．牛油蒜蓉焗麥皮~~~yummy

星際大戰(7)就開畫~~~~~所以放左大Lego戰鬥機公仔造勢

小朋友同Lego 黑武士一樣高喎

大閘蟹 / The One

(23-11-15)星期一

我諗住由今日起開始做運動、但琴晚哥哥打電話黎話囉左4隻大閘蟹

係呀媽果度、所以我收工即返舊居囉2隻大閘蟹返屋企、慢慢歎~~~

星期二先做運動啦~~~哈哈哈

 現在流行一層一層蒸野食。

 先食水餃、木耳同蛋先~~~之後慢慢拆大閘蟹

今年第二次食啦~~~~

 嘩~~~巧多膏呀、仲有透明狀既者喱、食落廉住Ｄ牙巧得意好食

 食完大閘蟹．煮意粉明天帶返公司幾健康~~~

The One放左擺設係度、但又同聖誕節冇關喎~~~~

點解Ｄ女子咁反斗呀、坐唔定!!!

行都UG2又見到佢地~~~

 呢個仲拱橋添．隔離仲想一字馬喎

韓國bbq / 麥當勞早餐 / 大家樂 / 自由幻夢2

(18-11-15)星期三

 一早返公司經過希慎廣場見到聖誕屋，咁即時話聖誕節就快到啦~~~~

但係.......天氣仲係咁鬼熱架~~~~

今日下午請咗假去覆診、醫生話我知肝酵素由117降到68呀。

可能係我近排暫時戒咗唔食牛肉嘅成果~~~~哈哈哈

我以為會睇好耐添、點知睇咗10分鐘就可以走人、咁我唔請假啦~~~

咁早睇完醫生、就去咗科學園睇賽道、係為12月6日作準備。

睇完賽道、就返屋企街市買d菇同少少脆肉脘魚。

因為琴晚食唔晒d嘢、所以今日繼續打邊爐。

(19-11-15)星期四

今日Lunch只吃咗一個大杯麵、因為我下午想去韓國bbq食炸雞呀

 呢間韓國bbq剛開業果時、我都想去試食~~~點知呢間店就.......

原則多多......12點開舖至下午3點~~~跟住6點先再開.....咁都得

我諗唔變通一下、好快就結業啦~~~~

早前朋友去吃過話有下午茶套餐、咁我咪去試食

咁先係嗎~~~係香港寸金尺土嘅地方玩性格。

下午茶有2款套餐、我選B~~~蜂蜜脆片炸雞同海鮮餅......同柚子茶

炸雞睇落唔錯喎~~~食落就唔係想像中咁好食、我覺得KFC好食d

海鮮餅少少辣幾好食、柚子茶好食但細杯、飲凍會大杯D

鐵碗用來裝骨夠細心，等客人唔使四圍放骨

下午茶食咗咁嘅嘢、夜晚就食番清清地~~~~煮水餃、雞脾菇、魚肉、雲耳

然後再煮蠔油素雞、呢個咸咗D...............

(20-11-15)星期五

係中環行行下見到呢個銅像放係行人路中間仲要唔著衫???

想點呀銅像???又露咗~~~~

幫朋友去Jenny Cookies買Cookies~~~又係咁多人排隊、好彩今日天氣唔熱

排咗半個鐘就可以買到、諗住買多幾罐啦點知一人只可以買2罐

有冇搞錯呀排咗咁鬼死耐都係被買2罐~~~~XYZ@_@

買完cookies去食番碗雲吞米醫肚先~~~~~

夜晚又係煮水餃木耳娃娃菜加通粉~~~~食都悶晒但為左健康冇法啦

(21-11-15)星期六

一早過咗香港睇早場、未睇前去麥記食番個早餐先~~~

熱香餅我至愛、再加柚子糖漿、味道唔錯好食

食完早餐去睇自由幻夢2、今集多嘢講悶悶地、但有始有終睇埋佢。

又睇完"饑餓遊戲"終極篇有點失落添~~~~咁就去食番Ｄ嘢保數

去左大家樂食"芝士焗肉漿意粉"再加杯柚子茶~~~~好耐食巧食

教完班去咗大快活食咖哩吉列魚飯~~~~

(22-11-15)星期日

今日我同呀媽一齊去覆診~~~醫生同我講肝酵素下降左、應該係脂肪肝

如果係咁就容易搞啦、我做多番Ｄ運動戒食煎．炸野啦~~~

睇完醫生之後同呀媽返屋企、跟住同呀媽剪番個靚髮~~~

工人煮左蕃茄薯仔牛肉湯、咁我加Ｄ飯落食~~~變泡飯~~~yummy

 早兩日見李錦記Ｄ火鍋上湯係超市減價買2包送一包。

咁我打邊爐都用佢做湯底緊係買啦。

點知今日行過雜貨舖見到有李錦記Ｄ火鍋上湯喎，

買三包都係$12蚊呀、仲底過超市好多。下次用晒就知去邊度買。

今日又再打邊爐、試下用沙爹湯底先再加雞腳一齊煲。少肉多菜多菇。

沙爹湯底味道都OK。