舊同事迎平安夜 / 朗豪坊 / 打邊爐

(29-12-16)星期四

點解今日仲係咁鬼凍呀................

(23-12-16)星期五

今日睇眼轉科..........醫生話要再check清楚....又再排期!!!

醫生要用藥水要放大瞳孔先睇到眼、初頭睇完冇乜野....

但行出醫院見都光就不鑊啦、我又唔記得帶黑超......

隻眼見光即痛............嗚嗚嗚

忍痛搭巴士落深水埗食腸粉醫肚、好彩開始冇咁痛.........

晚餐煮通粉便算啦........榨杯紅蘿蔔汁飲下補眼

 

(24-12-16)星期六

原本約好舊同事去卡拉OK、但果日book房價錢太貴。

所以轉左去同事屋企玩......同食野

人未齊玩下遊戲先~~~未玩過但要用腦不過又幾好玩

等齊人開餐啦~~~

我地訂左盤菜同Pizza、壽司.....12人都食唔晒.....好飽

HR阿頭買左金莎朱古力同雪糕、而另一位同事又帶左朱古力

做飯後甜品.............滿足又開心渡過左一個平安夜

(25-12-16)星期日

聖誕正日留係屋企．自已慶祝。
落街市見到珍珠蜆、買黎炒西蘭花雲耳~~~清清地

(27-12-16)星期二

今日懶懶地焗件雞扒、煲個罐頭湯便算.........

(28-12-16)星期三

一早約好跑友今日打邊爐、咁岩天氣又轉凍真合時
跑友未到去朗豪坊睇下野.........

買完野食去跑友屋企打邊爐啦...........

同跑友老公補祝生日......

2016仲有二日就過．2017年來臨

祝新年快樂、身體健康、世界和平

PLAYT自助餐 / 合興粥麵 / 九記牛什粉麵 / 行山 /冬至 /俠盜一號(星球大戰) /金山海鮮洒家

(21-12-16)星期三

時間咁快又一年到冬至、順便提早祝聖誕及新年快樂2017

(12-12-16)星期一

時間過得真快、咁又過左星期.......上個禮拜同跑友食自助餐。

呢間係銅鑼灣柏寧酒店.....佢地從新裝修過變得坐位多同靚左

 

之前冇蠔食現在有法國同美國蠔、不過每次每人只可囉2隻

喜歡食蠔既我只好密密排隊啦.........

呢度甜品同雪糕多左好食左~~~yummy
好耐冇食過咁飽啦........埋單每人$360蚊抵食.....
其實跑友問佢朋友囉左張會員咭才有買一送一咁平.......下次再食過

(12-13-16)星期二

今日同阿媽覆診、覆完診阿媽同工人搭專巴返屋企。
我就搭小巴落柴灣醫下肚仔先.........

呢間好少黎食因唔方便．但今日就順便黎食.....

超級大碟.....粗麵加底再加八款小食.....講多次加八款小食。

估下幾多錢呢?...........下次開估

(12-14-16)星期三

今日過香港幫阿嫂買咖哩羊腩即係我成日去食果間鵝頸橋惠記。

惠記未開門我行過離隔舖食我成日去既車仔麵。

阿嫂公司大堂放左添布頓既得意公仔...

比左咖哩羊腩阿嫂、就返阿媽度幫佢剪髮.....

迎冬至...聖誕...同新一年2017..............

剪髮前...剪髮後睇下幾Chok.......

(16-12-16)星期五

中學同學問我去唔去行山、我話好呀........由Quarry Bay柏架山開始

行上到天文台、再落金督馳馬徑行去雲景道......再去寶雲道

摸摸姻緣石........唔知．會唔會真係有姻緣呢.....

 (17-12-16)星期六

今日屋企提早做冬至.........但我要遲D返因要教班....

 又係阿嫂出手既時侯啦............yummy

(19-12-16)星期一

原本星期五睇俠盜一號(星球大戰)、但同學約左行山.....

所以今早去左宜家傢俬食個早餐、然後去睇早場.........

睇完戲返屋企訓陣先、因約左中學同學飯局聚會。

訓醒搭車落旺角行下同食小小野.....行過肥姐小食緊係要幫襯

又超多人排隊...........真係巧巧食

一邊行一邊食......行到廟街睇下野先.....見到一串串馬碲

又買黎食下.......爽甜

 行到8點上酒樓見到同學在等位、因太多人提早做冬至。

而且呢間酒樓好難book位、好彩有同學識人才book到呀.....

 D野食唔錯又好食、價錢有平.......埋單每人$140....抵食