大自然素食(太子)

(30-03-16)星期三

今日會計CEO請食散水糖水、舊公司呀頭走得七七八八。

而我明日交辭職信、所以四月尾輪到我派散水甜品啦。

未派前食住人地果Ｄ先、原本得一個但可能叫多我就食埋佢．

巧飽呀~~~~~哈哈哈

放工約左跑友去太子買野．買完去食飯。今日想食清清地。

我提議食素、咁岩對面商場有間"大自然素食"

 前菜唔辣好食

我地三個人坐底、聽到隔離未坐好先叫三個木瓜沙律

咁我地又照跟啦~~~~哈哈哈

點解木瓜沙律黎少一個架、唔該黎返多一個

牛油果多士巧巧食

 黑松露芝土焗意大利雲吞~~~巧味又好食

食完晒Ｄ野先黎慢慢品嚐木瓜沙律~~真係好食喎

唔怪之得隔離未坐隱先叫三個木瓜沙律啦

食完野仲送紫米露~~~巧飽門呀

南小館(九龍灣)

(24-03-16)星期四

今日又有兩位HR同事離職門啦、所以下午同她們吃farewell飯

 我地最近就係德福商場、而果度又多食店。所以選擇去南小館食

 我地原本一行十個、但最後加多位新會計呀頭

 咁多人緊係點多Ｄ野啦、唔係點夠飽呢

 成檯野食睇見都開心呀．新會計呀頭問夠唔夠飽、咁問發

一定今餐有人請、原本今餐係夾錢請兩位同事．咁今餐又慳番。

 咁叫番個芒果布丁食下．味道都ok

 紅棗糕都可以

 食完下午飯無耐．又食同事散水餅呀~~唔使講都好食啦

 呢個係散水蛋幾特別、其實比咩都不是問題、只是心意。

(25-03-16)星期五

復活節放假幫朋友做小飛人大賽發令員。

 幼兒組最後一組、呢位小朋友好可愛、未開跑時好淡定，

但開跑時就唔肯郁又哭~~~~小朋友真係難捉摸

(26-03-16)星期六

琴晚做完比賽後去慶功宴、食完乳豬仲有乳豬頭．佢地係要比我。

咁我咪用黎煲瘦肉乳豬頭煲啦

 煲完粥落街跑下步先、跑完去街市睇下有咩買．見到有花甲

咁就買黎煲粥啦

 瘦肉花甲乳豬頭粥~~~~食落好鮮甜~~~~正呀

(28-03-16)星期一

星期日返左呀媽度煮飯比佢食。今日全日留在新屋訓足一日。

不過一早落街買報紙同麵包、仲有去街市買菜同紫蕃薯。

返屋企煮紫蕃薯、然後再煮米粉食完才再訓過。

 訓醒就街跑番半個鐘

 跑完步、就整番個晚餐食~~~煎牛排焗雞焗蕃薯~~~

Mega Box(迪士尼花蛋出遊)

(22-03-16)星期二

上星期五先食完兩位同事既散水餅、今日又失驚無神又有兩位同事

派散水餅。典解係兩個．兩個走、原來可以慳番一半錢。

其實我知今個星期四又有兩個同事走啦~~~今日我口頭同上司講

做埋下個月尾。咁下個月我就一個人派散水餅。

咁快又到復活節啦~~D蛋畫得幾得意。

 復活節快樂

牛頭角(牛下)

以前牛頭角未拆、果度有好多特式美食。但拆左之後美食就消失無蹤。

大家鐘意集體回憶、所以在九龍灣對面某商場裝修成往日牛下。

 呢度有住日既美食、不過我今次黎食係漢寶包

漢寶包都幾ok~~~下次先黎食往日美食啦

 飛機欖係我細路既回憶

永合成(西環) / KFC /

踏進2016年要轉下工作環境啦．雖然去向未明但希望明日會更好~~~

(16-03-16)星期三

天氣凍凍地、我同拍檔去左西環永合成食煲仔飯

暖下個身先、呢間店原本係上環。

 我叫在排骨煲仔飯、佢地即叫即整、保持熱辣辣。

排骨好淋又好食~~~食晒d飯最後食埋趣趣飯焦~~~~正呀

(18-03-16)星期五

 今日又有同事請食散水餅~~~真係不想再食呢種散水餅

但我又有少少茅盾、因為我也快,,,,,,,,,,,,,閃啦

 (19-03-16)星期六

今個星期六開始不用教班、所以懶懶地訓係床唔想起身~~~但又訓唔得晏

今日好潮濕．廚房有少少發mo、所以動手清潔同抹地。

一做就做到午下超累~~~~做完訓左一陣、起身去街市賣野

 見到有大蜆即買返屋企蒸黎食~~~yummy

 (20-03-16)星期日

今日同媽媽覆診完後、我返屋企商場去KFC食新款炸食

今次有少少特別在雞加左D木魚、但味道一般

食完KFC返屋企訓左一陣、跟住落街跑下步．落到街才知超大風

吹到頭都痛、我好想唔跑但都落左黎、咪繼續跑啦~~~~