Hea跑上太平山山頂

(27-06-16)星期一

琴日同今日天氣都有成33度熱鬼死呀~~~

今日想挑戰下自已可唔可好似之前咁跑都上山頂

我知道沒有之前咁樣、但我點都算一個運動員．

雖然現在係多傷病既運動員、但我仲有heart同堅持

Never give up~~~~

 今日真係好熱、我要跑下休息下再跑下

終於捱到見都攬車啦~~~仲有少少到山頂

 藍天白雲~~~~熱．熱．熱

 跑完買番杯野歎下先........

 實在太熱啦返到屋企再要食番雪糕涼粉消下暑........正

 睇完小ｔ既寶麗萊價錢.......咁我呢.......咪唔值錢......嗚嗚嗚

同舊同事長洲一日遊

(23-06-16)星期四

每年今日我都會為自已慶祝仲存在、所以今朝去左歎早茶。

然後去睇早場"3D天煞地球反擊戰"復甦紀元。

因為睇左第一集、所以順道睇埋第二集........但今集就一般

(18-06-16)星期六

期待已久既長洲一日遊終於來臨、因為舊同事講左好耐......啦
近排天氣時好時壞怕影響果日之程、但上午中環仲落緊大雨
心情............................................................超灰呀
好彩上船後、雨就開始慢慢停..........................驚起呀
我地一行12人坐豪華有冷氣超舒適.............

6月份有位舊同事生日、所以係船上吃生日蛋糕為她慶祝

話咁快就到左長洲........仲天朗氣清......

見唔見前面三位女同事、其中一位背住白色袋既少女呀。
佢就係今日主角

我地一落船即去食長洲出名既大大魚蛋........

同事話呢間係最出名好食..........

我第一次食大大魚蛋、食落味道都唔錯

我一邊食一邊跟同事行、因我好耐好耐無黎過長洲........

行左一陣就見到Lock Of Love...........長洲真的變了

行多幾步又食野.......呢間係食紅豆餅同腸仔蟹柳壽司卷
原本我唔食紅豆餅因冇乜特別．但有芝士紅豆餅就試下
著間條T-恤果位女仕就係我以前阿頭啦.....她好nice呀

食完芝士紅豆餅、大家行落沙灘影相。我地6個人試影凌空跳。

跳左幾次終於影到......但超累又超熱..........

由沙灘番上行人路、就見到有西瓜冰凍.......正呀

超凍沙冰西瓜.........消暑又解喝

囉住沙冰西瓜跟同事四圍行、跟住同事話去食甜品.......
食完甜品又去行山...........

我地行上北眺亭睇風景........但要行斜路呀.....好累呢

終於行到啦.......環景舒適同仲可以睇到全個長洲添....超靚

睇完風景就行返落碼頭食飯啦........

呢張係同事影後加工幾靚.......................
提提大家想食飯最緊訂左位先呀.........如果冇訂位

就好似我地咁要四處搵位...................好彩我地終於搵到位

呢間D小菜炒得幾好食夠鑊氣.........

原來呢間康記係長洲都出名呀..........唔怪之得咁多人啦

現在大家都各散東西、所以很難約埋齊聚一聚
不過下次約會就係7月份．好快又到啦希望齊人啦.......期侍

煮飯仔

(16-06-16)星期四

上星期四跑友來我家煮飯仔、今次係跑友大廚煮。

我只係等食.......hehehe．但未煮野食前要去送菜先

跑友係旺角肥姐附近返工、所以約左旺角等。

咁我順便食番串大生腸先啦........好耐無食一樣咁正

買好野返屋企等開餐啦........今餐還有2位跑友等食。

話咁快第一道菜.....豉油皇炒海蝦........yummy.......好野味

 食完蝦、又食住鹵汁鴨先........因得一個火爐去煮。

 食食下第二度菜又出場、菜心炒牛柳.......菜超甜好食

 大廚食食下又去煮野~~~~第三度菜又黎啦....

薑蔥炒海肉蟹.......啖啖肉夠鮮美

 蟹未食完第四度菜又炒好......田雞炒苦瓜........正呀

好耐冇食過田雞啦.........美味美味

 大廚煮左咁多耐應該要出黎休息下....飲下啤酒吹吹水啦

睇下成檯骨......要執下啦.....等最後一碟菜出場

京蔥炒牛柳.......好食但牛柳有少少咸......不過都好好食.....

真係要多謝跑友大廚出手.........其代下次再臨。

睇報告

(14-06-16)星期二

今早去睇報告~~~護士話要我戒口。

又要我戒唔係掛、上次驗血報告係1月架、現在我應該好D喎

因有跑番步同食少我多野~~~護士聽完:就話咁就繼續努力

係護士我會努力同好乘呀

睇完報告去食酸辣豬扒米線醫肚、然後返阿媽度放底D野

去行柏架山~~~我幾乘

 今日天氣時晴時雨．但行起黎都少少熱

 阿嫂琴日從大阪返來、仲帶左芝士CAKE同桃~~~yummy

(15-06-16)星期三

今日咁鬼死熱邊度連跑步都唔想去。咁去街市買蜆煲冬瓜湯

消下暑啦~~~健康又好喝、因鹽都冇落呀要戒下口。

印尼餐廳(尖沙咀) / 盧冠廷演唱會2016

(10-06-16)星期五

上個星期六同跑友慶祝登六十歲、有一位跑友送演唱會飛比佢

但佢冇興趣聽．我就講笑話~~我去。跑友咁就比左2張飛我

咁快就到左睇演唱會果日、約左另一跑友去聽。

未聽之前食飽飽先.........原本去食海南雞飯但間店又裝修

咁就轉去食印尼野啦.....呢間印尼餐廳有幾十年歷史....

而我係好耐好耐之前食過........果時已經好好食

係到印尼餐廳緊係叫巴東牛肉+羊肉串燒啦..再+個...加多加多(菜)

仲叫白飯二碗添......不過要$16蚊但可以任食架

味道唔錯好好食...........埋單$354........算貴左少少啦

 食完就行紅館等睇show..........

 好耐好耐無睇演唱會啦.......話開8:15........其實8:30才開......

 今次主題是環保、所以D音樂旋律幾清新......我覺得幾好聽

一塊葉

(08-06-16)星期三

未搬九龍灣之前係舊公司囉左一塊細葉、

現在由一塊變兩塊葉.......但等左好耐都冇新葉出

但係兩日前終於見到細葉出生口啦~~~~

現在佢地好似一家人咁.........好開心......

跑完上山領野、係端午節先黎病了.....冇得游龍舟水。

希望明日好番啦

祝端午節快樂..................

黃雨暴雨後跑上大老山氣象站

(06-06-16)星期一

今日朝早掛黃雨暴雨不停落、但左下午兩點又停雨。

咁我見停雨就落街跑步．今日試下四處跑。

我沿住斜路一路跑上、不段有的斜路因我未跑過。

超長的斜路~~~~終於跑到大老山氣象站........斷氣啦

原來雨後的山景雲海巧靚呀