無題

(26-09-16)星期一

今日天陰陰但未落雨．咁就落街跑下跑先。

好彩、跑完步先落雨~~~哈哈哈

希望明天見工唔好落雨啦

(23-09-16)星期五

一年一度渣打馬拉松係明年2月12日舉行、所以要開會。

開完會緊係要食飯啦喂．每次開飯都有紅酒飲。

 我每次都係飲少少、因為只想試下味道。

但今次呢支紅酒入口感覺唔錯、所以我飲左多少少。

咁就出事啦~~~~~~開始醉醉地添

土瓜灣搵野食

(19-09-16)星期一

今日仲乜咁鬼熱呀、成個夏天咁都唔似秋天架~~~

(11-09-16)星期日

上星期同家人食中秋節飯、我二哥帶左兩盒奶皇月餅黎。

好Q喎~~~STAR WARS月餅仲係一黑一白。

 我選左白兵奶皇餡、而我另一位哥哥選左黑武士朱古力餡。

阿嫂同我地又交換月餅．所以我就有咁多啦~~~哈哈哈

 未到中秋節食雙黃白蓮蓉半個先啦~~~放入焗爐焗幾分鐘

熱辣辣食都幾巧食

 (14-09-16)星期三

係電視睇到飲食節目介紹土瓜灣美食．所以搭車去搵食。

九龍區唔太熟、搭左車都唔知邊個站落才岩!

斷估落車、後果就行餐飽~~~~終於被我搵到啦、好累呢

 呢間糖水店有好多種野食、今次食糖水凍綠豆沙同沙爹魷魚、螺肉

綠豆沙幾特別煲到起沙好食．而自製沙爹醬辣辣地好食。

 行過隔離又有間食夏門小食、見到佢介紹呢款廈門土筍凍

 我剛食完飽飽、但見幾特別咪入去試下、妳估下裡面係乜東東？

原來係沙蟲黎呀~~~都幾好食喎。

 (15-09-16)星期四

今天係正日八月十五~~~~中秋節快樂

 煮左紅米買Ｄ鹵汁豬耳一個人過中秋

(16-09-16)星期五

今天係追月又係初戀女友生忌、希望她在另一空間快樂。

 (18-09-16)星期日

好耐冇咁早去跑馬地跑步啦~~~好眼訓

 跑完同跑友過太子飲茶、途經見到老夫子餐廳。

見到大番薯係都做知客喎~~~

 下次要黎試下先

迪士尼歡樂跑2016 / 北斗翁頂尊火鍋料理(太子)

(12-09-16)星期一

 琴日做完第二日迪士尼歡樂跑超累真係好想sleeping、但朋友話去(太子)

北斗翁頂尊火鍋料理食燒鵝。好呀做得咁辛苦食番餐啦。

 海鮮荷葉焗飯~~味道ok、燒鵝又到啦可借唔夠熱、感覺

打折扣但味道算ok。跟住再叫左燒賣、蝦餃但唔飽

又再叫炒河粉、炒米粉好滿足。

食完飽飽地返阿媽度sleeping因今晚同家人提早慶祝食中秋節飯。

一個月前入左迪士尼工作、這次係我第二次入去。

記得上次入黎係帶我加拿大過姪女玩、差不多10年前。

 我之前入黎未有反斗奇兵呀

 又未有最新STAR WARS添

 真係要搵日入去迪士尼玩番下

(10-09-16)星期六

第一日零晨5點到達迪士尼天朗氣清無雨落真好啦。

見到卡通人物出黎同跑者打氣、果時朝早都好鬼熱

但扮卡通人物佢地仲熱~~~

 跑完頭場5km後仲係好天、但當到要開跑第二場3km就落大雨、

D小朋友就要淋住雨跑......好慘呀。

(11-09-16)星期日

第二日零晨4點半到達迪士尼都天朗氣清無雨落。

希望今日不要像昨天跑都一半就落雨啦。

在我工作位置望到米奇老鼠出現

 又望到米奇老鼠女朋友入黎啦

 今日無落又無風好鬼熱呀~~~扮卡通人物仲熱。

 當我做完工作、終於近距離見到呢兩個卡通人物

 嘩~~~米奇老鼠拍拖出現~~~你好嗎？

我諗佢地心裡話好鬼熱呀~~~要走啦

 拜拜你絛尾~~~米奇老鼠

祝中秋節快樂、人月兩團圓

MOS BURGER / 科學院

(08-09-16)星期四

近排成日落雨煩呀、今朝仲要9點入到科學院為11月睇條賽路。

未夠鐘先係沙田食番個早餐先。

MOS BURGER 早餐第一次食、佢Ｄ腸仔食落味道唔錯 。

早餐有跟汽水．奶茶同粟米湯、我就要粟米湯好飲。

 食完早餐就搭小巴入科學院、天暗暗仲落矇矇雨~~~嗚嗚

當我地出發睇路果時無落雨直到睇完都無落~~~好彩。

希望今個星期六、日都唔好落雨啦。

因為我呢兩日都會在迪士尼做跑步賽事呀。

公和荳腐(深水埗)

(05-09-16)星期一

琴晚有少少失眠、所以今朝6點起左身仲煮番碗通粉食添

(02-09-16)星期五

星期五落左"深水埗"買少少布補褲袋。

應該自已處理我大個仔嗎。

我終於幾經辛苦補好褲袋工程、只好講句"世上只有媽媽好"

落到深水埗緊係去食我喜歡既豆腐花同煎豆腐、魚腐、魚餅好食。

 食完行過黃金商場果邊、經過見到"阿一豆腐"免費試食喎。

咁我又試下豆腐花滑唔滑、食落又幾滑好食。

 又食完免費豆腐花就行去買布、行經大南街順便去

"漢發粉麵"食豬潤麵~~~~好耐冇食過啦、滿足。

(04-09-16)星期日

星期六食淨紅米同秋葵．我今日唔想煮所以去街市行下、

睇有咩野好食．經過賣潮州鋪見到豬耳咁就買開餐。

林記車仔麵(太安樓) / 麥當當

(01-09-16)星期四

9月1日開學日子．又係新的開始。

今早過黎香港幫阿嫂問朋友囉萬寧印花、

咁未囉印花之前跑番一轉先。

 

跑緊落小雨但跑起好舒服。

 跑跑下又好天出陽光又好熱喎~~天有不測風雲真係估佢唔倒

 囉完印花就行去太安樓食我喜歡既林記車仔麵、又要排隊

 叫左四款野食~~有咖哩雞尖、冬菇、牛傍同喉軟骨~$35加左價

但一樣咁岩我口味~~~好食

 今日行黎行去好累、唔想煮。所以去麥當當食巨無霸套餐。

今日開始買$26仲配脆薯皇添、好過食薯條啦。