外太空

(31-10-16)星期一

某日朋友send左個現場直播太空船回望地球視像、

嘩~~~如果我可以係太空船望落地球就正啦。

我諗住會有OUF經過、所以坐在係電腦面前成個幾鐘。

但.............烏蠅都冇隻飛過~~~~~~

(27-10-16)星期四

上星期四去左九龍灣德福睇早場、趁未夠鐘行去

MagBox宜家傢俬食早餐~~~好食

 好耐冇睇湯告魯斯做戲、但今套戲我覺得好睇。

可能在尾段佢同女孩兒的戲啦、我眼角有少少淚光。

太眼淺啦

MOS BURGER / 自製豬油

(22-10-16)星期六

Mos Burger十週年．所以魚柳包買$12．今日係最後優惠。

咁我未教班之前買番個黎食下先~~~~

睇買相正個麥噹噹魚柳包好多~~~咬落去魚柳夠脆．蕃茄新鮮。

唔錯、唔錯．可惜只限幾日、教完班再買番個打包回家。

 食完魚柳包、咁岩行經出名買臭豆腐舖、而我又好耐冇食過。

咁就買番件黎食下、夠臭夠脆皮好食。

 夠鐘教班啦~~~未教班之前同另位呀Sir影番張生日大合照

生日就係著黃色衫後生個位呀Sir。

 教完班同跑友去食飯、叫左泰式海南雞飯。

黃飯麻麻．雞都可以的~~~不過冇下次。

 食完飯再去MOS BURGER 買番個魚柳包回屋企慢慢歎

(23-10-16)星期日

以前在舊公司取左一塊葉．轉眼間以變左兩個家

現在又再出幼葉啦~~~真係開枝散葉。

 今日落街市買豬肉、順便問檔主囉D肥膏整豬油

嘩~~~佢比左咁大塊我．心諗唔使咁多呀。

橫掂唔使錢就要啦~~~

 買豬肉整蒸肉餅．再加糙米+紅米飯~~~yummy

 食完飯又整西米布甸比阿嫂、因為佢話想食。

 洗完所有野、開始乾煎豬膏迫D豬油出黎啦

 整左一大碗豬油~~~正呀

隔左一晚就變成咁樣啦~~~~豬油撈飯、童年回味

我知不健康但間唔中食一次咁多~~~~

(24-10-16)星期一

今日囉D西米布甸比阿嫂、之後去左灣仔搵朋友。

跟住又約左跑友係鵝頸橋街市食九記車仔麵~~我至愛

重陽節去登高

 (17-10-16)星期一

秋天都黎打風仲要三號風球天氣變化莫測呀~~~

(09-10-16)星期日

好耐無登高~~趁重陽節從慈雲山屋企行上大老山氣象站

 登高後．就由扎行道行落牛池灣~再行番慈雲山

剛剛一個大圈~~~超累

 行完3個幾鐘後要食番個下午茶補下體力

(12-10-16)星期三

今日又大一歲、所以朝早去睇早場慶祝下

呢套用紀錄片手法拍、既真人真事改編既戲~~

寧全世界人知道自已冇乜私隱~~真係有點可怕。

睇完戲去旺角街市買野今晚打邊爐~~~歎一下

(14-10-16)星期五

有位28年冇見既中學同學由加拿大返黎探我地。

所以約左係柴灣聚一聚。

今次選呢間社企開既餐廳、因為現場有Live Band唱歌。

呢度牛扒好食又唔貴~~$128~~正

Live Band唱係舊歌、但好好聽。

9點半後只要捐$20蚊．妳就可以上台唱歌啦。

(17-10-16)星期一

今日打風上左山頂為今個禮拜22號星期六睇賽路。

香港地質公園一日遊 / 打邊爐補體力

(06-10-16)星期四

今日又去見工、希望成功啦~~~

(05-10-16)星期三

琴日諗住天氣涼爽．所以約埋幾個跑友入北譚涌行山兼睇岩石。

點知岩岩相反、係藍天冇雲超熱~~~想熱死人咩

行山前食番個靚靚好味早餐補充體力先

食完早餐就搭巴士入北譚涌、開始今日熱辣辣的旅程

 大約行左2個半鐘、終於到達地質公園啦~~~~好累又腳痛．救命

 我地沿住斜路行落霸睇幾億年前既石柱及岩洞

 呢條木橋今年才建造好．方便行山人士睇岩洞

 睇完岩洞要回程啦、因我地約左另一位跑友打邊爐

所以要走、但我真的太累想搭的士回西貢、但又太多人等的士。

所以我地死死下一邊行出去一邊等空的士啦~~~

行左40分鐘都冇空的士、有又要開天殺價$300~~~嘩

我寧願行出去慳番D錢買野打邊爐lu....

終於行運有架的士載我地回西貢碼頭~~~都係$91蚊唔使$100呀

到左西貢碼頭又再搭小巴出旺角買野打邊爐

買大泥猛打邊爐都第一次~~~嘩．魚肉超鮮甜丫、好食

靚肥牛~~~蕃茄湯底~~正呀

 等齊人、她們為我同另一位跑友十月份生日飲杯~~~勝既

我只係飲茶~~~都勝既．祝大家身體健康、生活愉快開心。