深圳一日食野遊

(25-03-17)星期六

今個星期六開始唔使教跑步．有好多自已時間。

咁岩朋友搵我、話有深圳自助餐Coupon問我去唔去。

唔使諗啦...........緊去

 
食自助餐6點先開始．但冇理由5點才上去。
所以約朋友中午12點上深圳食下野同行下......
第一站:去會展中心站搵野食......呢間麵店好有藝術氣氛
佢D麵又好食又平......

食完麵四圍行又比我見到Dairy Queen雪糕．
仲係買二杯第二杯半價.............食食

又食完雪糕．係時侯搭地鐵去竹子林站食自助餐.......
未到時間又四圍行.......行行下見到單車可以用5毫子租半個鐘
只要有手機apps就可以隨時羅車啦......真方便如果香港有就好啦

夠時間開餐啦..........入口處己見到三文魚

巡再一圈．開始食野.......呢度Ｄ野食唔算多但都ok

D蝦都鮮甜.......

燒牛肉老左D但都好食.......魚生睇落唔錯但有少少暖因冇冰托底

所以我只食一轉.......有蠔食不過有少少擔心衛生........

但冒住生命危險食左三隻........味道好淡冇海水味.....一般

 
全場我鐘意食既即整楊州拉麵......蘿白牛腩好入味....正

 

剛烚熱長腳蟹好好食.....

 

意式手工雪糕．好食.........yummy

每人有半隻芝士焗龍蝦..........好飽呀

今次自助餐算Ok.......因超平........只係........妳估下幾多錢???

睇到不是真正我比的價錢.......

迪士尼 / 老闆娘雲南米線(荃灣)

(17-03-17)星期五

同事囉左一大包Calbee蝦條番黎公司．我減緊肥唔食。

但係太吸引啦..........囉左一包細既獨立包裝食

hehehe............yummy

(18-03-17)星期六

今晚長跑訓練班係最後一堂．

我同已往一樣都整缽仔糕比學員食..........

有位學員送左呢盒靚靚既禮物比我.....唔知係乜東東

 原來係Cookie......yummy

(19-03-17)星期日

今朝早零晨3點半搭工作人員巴士入迪迪尼做跑步比賽。

今日我負責踏單車不停環繞迪欣湖巡邏．

睇下有冇跑步者不適或跌傷...........

由冇雨落做到落雨.............嗚嗚嗚

 做完野都10點鐘．大會有專車送番工作人員去不同地區

我選荃灣．因想去"香車街市"食雲南米線.....

我真係好累呀、但為左食幾累都要去食啦.........

嘩........由地鐵站行去都要15分鐘.....終於到啦

 11點半到左食店但可惜未開．星期日開12點呀.......超累又冇得坐

 終於老闆返黎啦......但又要等佢開舖......呢間店有好多規則呀

要由伙計編位同帶入去、等入座之前佢會比你坐係點野先

 我點左呢度好食既炸雞同腐皮卷

 跟住伙計計左價錢同編左座位．佢就會帶你入去

你唔好諗座位好鬆動、因為一張抬坐7個人呀

 我今日試酸辣湯底米線、如果食得辣應該叫麻辣、因聞到好香

呢度D米線超大碟呀.....酸辣米線味道唔錯.....炸雞真好好食呀.....

可惜呢度超多人排隊.....好彩今日落雨同早黎....如果遲黎就有排等...

佢地逢星期三休息.....但有時佢地會在Facebook講開唔舖呀....

海運大廈 / 麥噹噹 /

我每朝早都係搭巴士到尖沙咀碼頭再轉船到中環返工。

全程車費都係$7.8、而來回都係$15.6超平.......

所以每日都睇見海運大廈有咩裝飾.......今次係呢款

 日與夜

(08-03-17)星期三

呢日開OT．和同事去金鐘麥噹噹食自選漢寶包．

我選左安格C牛肉.....單包都要$45蚊...食落又幾有肉汁。

但星期四睇報紙佢又推出130%既安格C牛肉加磨菇漢寶套餐．

都係$43.3蚊........唔係掛.........我咪好............

(11-03-17)星期六

雖然今晚有跑步班畢業飯局．但都要去麥噹噹試下

130%既安格C牛肉加磨菇漢寶套餐先~~~味道都唔錯

原本我11月想請假去高雄比賽、但已經被同事囉左。

咁諗諗下、再同阿嫂傾下6月去加拿大仲有冇機票．

佢話Check下先...........有呀......不過貴過佢地買果時。

咁再check下其他旅行社........有呀搭加航$5534.......

諗左兩日.......平機票冇左啦.........嗚嗚嗚

最後買左國泰機票要$6204.........今次去睇姪仔行大學畢業禮

原來今年係加拿大150週年、我算去得合時啦。