Friday Night Drink / 出貓特攻隊

(22-09-17)星期五

原來公司有book開籃球場比同事去玩、係我既強項但30年之前。

我緊係報名去打籃球.......好耐打有頭威冇尾陣.....莫氣啦

打完籃球腳痛到現在...........唔認老都唔得啦。

今日又到左Friday Night Drink啦...未開始之前按下摩...係免費半小時

其實係有人唔黎我才有得按......總之唔使錢執二攤冇所謂

按完舒服晒........

(23-09-17)星期六

 今日又係睇早場時間、去睇"出貓特攻隊"。

諗住出貓都冇乜鮮野啦、但睇完又感覺幾聰明出貓。

仲有女主角幾靚女、另一女主角就好有性格。

今晚又要教班又有要趕返去同媽媽食中秋飯。

 媽媽今晚都算幾醒晨.........食食下才知記得影相.....太肚餓啦

今日2哥比左盒有奶皇月餅同芝士月餅.....可以提早慶中秋。

MARVEL迪士尼10 K~2017(16/9-17/9) / 裕記大飯店

(16-09-17)星期六

今日就是一年兩日迪士尼MARVEL 10K跑第一日、

今日天氣又焗又熱。 

第一日賽有3公里及5公里同兒童200米跑

今早驚喜遇見七公子之一、但唔記得叫什麼名字．妳的姓氏.......

仲有D悉心打扮去跑......

還有蜘蛛俠添但係今日咁鬼熱.......我企係度都濕晒

我今次帶工作人員終點水站派水給完成運動員

都有連詩雅同鄭融歌星黎參加跑步

仲有佢......下年唔知有冇妳呢.................

(17-09-17)星期日

今早天氣好似冇咁熱但十點後熱死啦.......

今日有2場10公里及3公里同兒童200米跑

又有悉心打扮既情女去跑10公里~~~勁呀

阿伯有女仔同佢影相~~~羨慕

鬼馬家庭

兒童跑有英雄出黎歡迎小朋友

黑寡婦回眸一望~~~嘩......電死人咩

免費派既飲品

3公里牌

由零晨4點至下午一點終於完成賽事啦、我好肚餓........

搭車去深井食燒鵝

熱辣辣燒鵝巧巧食......

蒜蓉蝦乾蒸節瓜......又甜又好食

食完野都4點再搭小巴去荃灣轉車返屋、未返屋企之前買

冬菇菜肉雲吞、等肚餓煮黎食.........

非常任務 /

(08-09-17)星期五

逢星期五返10點．應該逢星期五去跑步後返工。

但我懶、近排身體出現問題．睇醫生食左抗生素後好左Ｄ、

所以今早6點搭巴士去馬場跑步、半跑半行3個圈。

用左咁多力緊係食番個早餐補番下．去左鵝頸橋熟食中心。

今日唔食我至愛車仔麵、去左隔幾間鋪大利咖啡店。

佢D炸魚柳、炸豬排大大夾抵食~~所以食炸魚柳餐加凍飲$31蚊

(09-09-17)星期六

有到星期六睇早場時間、未睇戲前去Mega box (IKEA)食早餐先、

今日有新餐．再加雞扒麵$15蚊。套餐連飲品都係$44蚊抵食~~

飲品仲可以冇限添飲.。......

真人真事改編．故事都幾得意但冇乜特別.....

睇完戲過中環碼頭睇10月比賽既道路、今日天氣好鬼熱呀.........

邊行邊流汗..........碼頭仲有鯊魚show...

嘩~~~呢班人咁熱做瑜珈一定減到肥啦

睇完賽道搭電車去我以前工作堅尼地城睇下改變有幾多.....

呢間出名奶油包．食落唔太甜好食......果時成日食

食迷你包唔夠飽...再行去常食既卓記粥店、可惜老闆轉左比人做。

食完走人太熱啦~~~行過聞到茶葉蛋香、我從未食過好食.....