(19-03-18)星期一
今日約左做定位模型、但係見醫生時．
佢話要再做多一次電腦掃描確定位置。
唔係掛又要打顯影做電腦掃描好鬼熱喎......
點解唔係今日做架.....又要我星期二再黎做???
見左一陣......又要我走呃錢咩.......
行到巴士站護士打電黎．話唔記得同我做模型。
要我明日早D到做完模型再做電腦掃描.......哦
諗諗下不如行返醫院做模型.....差不多到另一位護士又打電話比我
叫我明天早D到......我話己經行到左醫院.......不如現在做.......
做就好快........但等做就好耐.......嗚..........完做個模型係咁
做完模型有D肚餓行去柴灣"新桂香"食叉燒飯
我覺得味道唔錯、肉夠淋..........
食飽飽返公司開工...........今晚仲要OT..........
(20-03-18)星期二
今日又去醫院做電腦掃描..............
每次搵血管插喉都話我血管唔明顯．總係插完右手再插左手。
巧痛呀.............
今次做電腦掃描要係我兩側同肚腩畫上記號、
仲要唔沖得身、怕洗去記號........只可抹身........
現在要等醫院打黎通知才知幾時做電療...........
有排先可以沖涼..........變臭男人..........
