(21-11-18)星期三
自從10月19日係柏寧酒店食完自助餐、第日同事講柏寧
D野食冇乜特別同水準差左。咁傾下次去邊間食........
我就提議去金鐘JW萬豪酒店自助餐、因近公司同網上推介
有花膠、鮑魚、海參食........其他同事都讚成、但四人冇8折
所以叫多2位同事一齊去食.........咁就有8折啦
Book左1個月後才去食.........終於等到食自助餐啦
睇下環境...係酒店5樓JW Cafe呢度地方唔大但座位都坐得舒服。
先黎食花膠、鮑魚、海參....鮑魚唔錯、花膠都可以、海參ok既
不過冇我想像中好食..........但算可以
燒牛肉唔錯、但羊扒生左D........點解把刀唔利架
呢度收碟好快、我仲緊炸雞脾侍應已經收碟啦.......
龍蝦巧食、麵包蟹超多膏巧巧食.........
油飯有油味好食
呢度食到10點但9點已經收晒又早收錢.........不如話食到9點啦
我應該唔會再來.......除非有人請啦
今餐每位$590...........
(22-11-18)星期四
今日下午2點睇牙、但2點15分鐘已經睇完超快......
琴日食完自助餐飽都今朝.............趁睇完牙就行落東大街掃街
先食酸辣豬扒米線...........好食
然後再去食碗仔翅.........味道唔錯
趁呢間冇人排隊就試下啦...........貴左少少喎
外皮夠脆咁太甜
