(04-05-19)星期六
今晚約左中學師弟師妹為中學兩位體育老師慶祝
一位榮休、另一位就生日。
場面都相當熱鬧、見番好耐冇見師弟師妹.........
時間過得真快.........咁就過完一個歡笑的一晚
其待7月返母校BBQ........
最近右肩好痛連舉起手都不能像廢人一樣......嗚嗚嗚
在網上查都是五十肩、要兩三個月才可能會好呀.......
希望唔好痛咁耐啦........好辛苦呀
(12-04-19)星期五
今日要搭零晨3點通宵巴士去機場會合朋友。
好彩我樓下巴士站有N23通宵巴......
我有兩年冇去旅行啦.........好彩機場都冇乜點變化.......
6點40分等齊人、我地又搭8點40分機、趁有時間去飲早茶..........
又夠鐘上機又準時起飛........飛左15分鐘又派餐啦
好彩有去飲茶.......飛機餐唔好食..........
籃天白雲天氣好正
飛左一個鐘已經到高雄.....同去澳門差唔多時間
到左啦.......高雄
出閘前仲有提示大家有冇帶豬肉產品入境、否則過境時
被偵緝狗狗聞到就要罰五萬台幣呀.........小心小心
出閘後會合台灣朋友搭地鐵去高雄車站
一行十人到左高雄車站、趁有時間買個便當上火車食
因為去台東車程要三個鐘
有唔同款既火車
沿途美麗海景
三個鐘車程話咁快又過左........已經到達台東啦
我地就住係呢間民宿啦
因為呢間民宿有上下床位價錢平
房東仲比左張美食地圖我地去搵美食
放好行李出發搵野食
十人就先試呢間吐司啦
吐司分十份大家試下、味道可以啦
食完又行去搵野食、呢附近有間出名"臭豆腐"可惜今日冇開。
咁又行去其它地方搵野食、行度呢間食"溫體牛"
問下老闆娘出名食臭豆腐今日點解唔開?
她話:臭豆腐老細"仙遊"左喎.........唔係掛
人地話溫體牛好正呀......我又唔覺喎、可能用黎打邊爐會好食D
炒白苦瓜好食
又食完一餐
食過不停又繼續行、行過Cake Shop見到d Cake幾得意
行到麵包店、大家都知台灣麵包好好食啦.....
所以團友想買麵包明天當早餐。
我地跟住地圖又搵到呢間出名既食店
鹵水豬什、海蜇.......好食
個個人黎就係為左呢碗麵.........麵裡面有滷水蛋、肉丸等等
味道唔錯............好食
食食下老闆行過黎我個位講故仔..........
食完麵又四周圍行下、又行到"一芳"
緊係要買黎飲下啦、平過香港一半價錢。
一邊飲一路跟地圖搵野食.........
又行到呢間出名炸雞粒.....味道都唔錯....幾多人黎'買
行行下又行到左台東夜市、呢度夜市好細冇乜
特別野食.........所以行左一陣走人
四圍行下又行到呢間食仙草冰品
有D團友已經飽飽地所以先行返民宿、我未飽喎又繼續食...巧食
食完糖水又繼續行、行行下又見到"臭豆腐"雖然唔係下午果間。
但都要試下啦
聞到都臭味......食落都唔錯好食
呢度仲有拋圈玩意
有團友想去呢間食麵線、但可惜去到最後一碗都賣出左啦
咁咪行返民宿啦........行經藝術坊
又買雪絛黎食下........好食
有現場仲有人唱歌表演
台東搵美食的夜晚咁又結束了、明早起行去"綠島遊"啦
