(16-01-2020)星期四
近排好懶冇寫Blog呢......不過有去睇戲
"葉問4"幾好睇。"星球大戰"好悶"
"摩雪奇緣2"好睇又有好歌聽"
"深海異獸"夠神祕。"1917逆戰救兵"都好睇
(17-01-2020)星期五
新年將近團年飯局又開始、今晚先同
東區之友食團年飯、好食又食得巧飽呀。
跟住星期日又同中學同學食團年飯、然後
年二十八同屋企人食團年飯。
食咁多餐肥死、新年後要努力減肥先得啦(>_<)
(18-01-2020)星期六
又係睇早場既時間、"重案夢幻再重組"
睇完呢部警匪片有劇情仲笑中有淚。
可能我眼淺啦.........
之後又去深水埗"漢發"食潤麵~~~正
佢地年二十八收爐~~~初十二先再開。
有兩個禮拜冇得食Lu.........
(25-12-2019)星期三
有好多年都無係聖誕節正日快閃過澳門兩日一夜。
今次黎係為睇光影節同試搭下輕軌車來。
朝早10點半到左澳門、趁早人少D就去試搭輕軌。
我同兩跑友落船即去搭賭場巴去"威尼斯人"
我地由"路沊西"搭去"沊仔碼頭"行行、我覺得輕軌好震下
參觀下碼頭環境
終於可以坐都車頭、原來輕軌用車呔黎行
唔怪之得咁震啦
之後搭左去"排角站"行下街同食野
行都肚餓去搵野食、見到呢間"露素餐廳"未食過咪試下。
入到裡面餐廳好家庭feel
古董裝飾品
羅宋湯味道一般都可以、麵包都好食
燴牛尾太少了味道一般
墨汁意粉煮得好食....正
聖誕時節價錢都算合理唔貴
食飽飽返過拱北洒店羅房、房間算大同乾淨。
大家休息一陣、落去附近出名食店"三叔公飯莊"醫肚
腐豆煮得好食、水魚雞煲唔錯抵食
"炸大腸"又話出名、炸得唔好又凍又唔好食..........
食完飯返過澳門、去大三巴睇"光影節"
某D街道都睇見"光影燈飾"
三大巴四週都好多人、"光影"表演脕上7點開始、
每半小時放影一次。
每半小時放影一次。
開始倒數仲有3分鐘...............
開始啦慢慢欣賞
咁快又睇完..........下年再來睇過
睇完又食下宵夜、呢間老闆好有性格下喎
好食又平又夠飽...........食完又返拱北睡覺.........ZZZ
又快到新年、祝妳新年快樂＆身體健康&心想事成。
