(08-06-21)星期一
好耐都無Post相上Blog啦、在我未出事前一日約左朋友去
灣仔萬麗酒店食下午自助餐(我果日係放假)
其實果日我痛住去食自助餐．因唔想失約朋友。
好啦、夠鐘開餐睇睇有咩野食先......下午都有麵包蟹食喎
仲有燒牛肉添......正呀........其它酒店食下午係無燒牛肉食架
仲有壽司同魚生呀、因腳痛唔想行所以無影都。
我果日係無乜胃口、所以羅Ｄ沙律食便算
食完沙律就坐左係度無去羅野食、呢碗中湯都係朋友羅比我
碗中湯好飲......正........果日我狂飲橙汁解喝。
我坐左好耐才去羅杯雪糕食下
食完雪糕胃口好少少、又去羅生果食下。
朋友見我有胃口食就比一件魚生我試下。
食落我又可以最後羅多少少食就無再吃。
呢餐唔貴因有匯豐咭有7折、所以每人三佰幾。抵食。
今餐朋友見我無乜食野佢話請我食.........Thx
之前講過打完第７支化療同標靶後腫瘤縮細好多啦。
(17-07-21)星期六
由６月９號入左醫院做左三次手術、住左醫院個幾月
今日終於返到屋企養傷啦。屋企成個月無人打理發曬毛好彩
阿嫂幫我打掃同清潔。而哥哥幫我搞好上網同電腦~~Ｔｈｘ
哥哥買左雞批我好耐冇食過啦~~~真係好好食。
(18-07-21)星期日
諗住返到屋企可以休息下、點知行過不停因為買對涼鞋。
所以要出街但今早又落大雨、等左好耐終於停雨啦。
買完涼鞋又買盒飯返屋企食、返到屋企發生左小小事。
因朝早冇食早餐、下午又遲食飯。
空肚之下我又血壓底所以暈左一下成個跌左落地醒左。
之後食左半盒飯已經沒事了。
現在我會一個飯盒分開二次食、要控制血糖。
(19-07-21)星期一
今朝早又要羅口水樣本返東醫院、之後順便返公司交醫生請假紙
同探下同事。好彩走時無落雨．行去116總站時經過麥噹噹
順便買過安格斯芝士包食下啦．跟住就搭巴士回家。
(20-07-21)星期二
今早又要返去東醫院拆大脾紗布同洗傷口、未夠鐘食過早餐先。
每次上左車都落大雨、好彩落車前又停雨喎。
拆左紗布見到２塊豬肉乾喎。植左Ｄ皮現在生得唔錯。
(21-07-21)星期三
今日終於唔使去覆診、可以係屋企休息下同煮個拉麵食。
現在習慣飲脫脂奶。
晚餐又煮蝦子麵食下。
其實今日唔出街係等公司送果籃、等都下午六點都冇送黎。
就同上司講、佢就幫我問下。終於晚夜9點才送到上黎。
(22-07-21)星期四
今日天氣唔錯又冇落雨不過好熱、原本唔想出街但想睇早場
終於忍唔住出左去睇黑寡婦早場、好耐無睇早場啦。
荷里活廣場有比卡超卡通公仔迎奧運。
影完相買盒飯返屋企又分兩餐食。
(23-07-21)星期五
今日冇出街留在屋企休息、下午煮個加喇沙拉麵食。
行得多傷口出血水啦。
(25-07-21)星期日
今朝去樓下附近百佳買冬瓜煲湯。
今晚幾位朋友上黎我屋企探我兼煮埋比我食。
呢款蜆好鮮甜好食
(26-07-21)星期一
未夠鐘食過早餐先。現在食野唔會食晒、只食一半份量。
就去麥噹噹叫個安格斯磨菇套餐、薯條轉粟米、
可樂轉多啦Ａ夢特飲~~~Yummy
夜晚蒸瘦肉雲耳、麵鼓湯、半碗白飯又一餐。
(27-07-21)星期二
琴日覆診完、今日可以休息一個禮拜先再去洗傷口。
冇出街食埋昨晚隔夜飯又一餐。
睌餐煎三文魚炒蒜蓉西蘭花又一餐。
(28-07-21)星期三
繼前日香港花劍男神"張家朗"取得奧運金牌、今朝又有
另一個香港女飛魚"何詩蓓"取得200米自游式奧運銀牌
恭喜、恭喜~~~為香港爭光
未入院前係759買左5個Pizza、現在係時間食啦。
呢款味道咸左少少而芝士味唔夠、但都可以接受。
(29-07-21)星期四
今日趁冇落雨、慢慢行落商場剪下髮先。
剪完髮行超市睇下有咩野買啦、行到KFC
忍唔住入去食下新出炸雞先、我只食左細裝磨菇飯
同一件雞脾仔、飲埋可樂然後打包２件雞同葡撻。
回家慢慢歎、出面突然落大雨唔好啦。
唯有行多陣商場先、終於等到停雨慢慢行回家。
行到返屋企肚餓啦食埋２件雞同葡撻先。
晚餐煮水餃同拾菜簡單Ｄ便算。
(30-07-21)星期五
今朝香港女飛魚"何詩蓓"又再出賽100米自游式又取得奧運銀牌
~~~再為香港爭光~~~恭喜、恭喜。
食完鳥冬訓係床睇奧運、似唔似鴨腳扎。
又食Pizza當晚餐
現今有好多人成日有偏頭痛、希望呢份文章幫到妳。
(30-07-21)星期六
今朝落大雨無去睇早場。
咁就留係屋企睇奧運比賽啦、睇到10點見外面停雨兼有太陽
就準備出去商場行下兼食下野、去左"譚仔三哥"。
平時叫"過橋米線"、可以食晒成碗．但現在食得一半要打包
回家慢慢食。
跟住去左超市買左２件飯團當晚餐。
蛋糕仔留番肚餓食。
