(15-08-21)星期日
近排鐘意食KFC新出套餐、因為有3件雞、一個細磨菇飯
仲有葡撻一個同汽水添.........我仲可以分兩餐食。
食完午餐冇耐.........話咁快又到下午茶時間.......
食完3件雞再食埋琴日買既咖哩牛肉撻......我覺得雞撻好食Ｄ
朋友琴日上黎探我．仲順便買Ｄ生果同菜比我.........
今晚就煮Ｄ西蘭花同秋葵食啦.................
今朝又要去東區醫院交深喉唾液樣本同抽血、
未到夠鐘就食過早餐先、今日要試下另一款早餐。
雪菜肉絲米粉味道OK喎...........
(17-08-21)星期二
琴日交完樣本、今朝又要去東區醫院洗傷口同骨科覆診
覆診真的停不了...........
今日試食鮮茄香腸通粉、湯底OK............
大脾Ｄ皮仲未生得好、而腳面Ｄ皮已經埋好左9.9成啦
覆診完就搭小巴返舊居取信．之後去左巴士總站
搭車返屋企。經過見到呢隻懶洋洋的貓
訓得幾淋幾寫意..........
返到屋企附近食店買左一盒魚香茄子飯、又分兩餐食......
晚餐~~多菜少肉少飯..............
(18-08-21)星期三
終於今朝唔使去覆診啦、咁煮個生菜．東東水餃當早餐先
11點落去商場買日用品、食晏時間又去KFC食套餐啦...........
買完野返屋企、之後就清潔抹地..............
抹完地時間過得快又到下午茶時間啦．之前食淨2件雞
可以現在下午茶時間食、仲加件鰻魚飯團添......滿足
下午在百佳買左Ｄ豬肉、醃好豬肉加南瓜今晚食..........
用淨左Ｄ南瓜同碎肉再加瑤柱、咁就今晚煲定粥明天當早餐。
(19-08-21)星期四
琴晚煲今朝食既南瓜、碎肉、瑤柱粥............巧食
下午食埋昨日既送先............
晚餐煮簡單Ｄ啦.....蝦子麵、東東雲吞加菜又一餐
(20-08-21)星期五
今朝又去東區醫院腫瘤科覆診、又係果句食左早餐先
今次試下沙爹牛麵..........味道麻麻哋.......
肥番幾磅添...........
今日由朝早十點幾等到十二點幾先到我睇...
每次覆診都是不醫生、今次呢個醫生唔知佢講乜
一時話某部位腫瘤大左要我電療........
但我上次見既醫生無講過、只是說要做另一次療程標靶
我同醫生講左好耐.......最後醫生話係時侯要做標靶
所以下星期一開始吊標靶藥。每四星期打一次．
要連續做12次..........見完醫生又要等文件到下午2點幾
未食下午就返公司交病假紙比上司、之後同同事傾下計...
5點鐘就搭巴士返屋企商場大×樂食晚餐啦~~肚餓乜都好食
好耐無睇早場啦.........今朝去九龍灣德福睇早場
未夠鐘食過早餐先啦.........今日試越南錦麗
早餐賣相都唔錯、尤其是炒蛋.........炸豬扒乾左ＤD...
部戲幾好睇、但某Ｄ場面就講得太多啦
睇完戲接到阿嫂電話飲早茶..........
第一次係早茶見到有蟹鉗、蟹鉗通常在擺酒先有.........
好大件食落彈牙好食..........
現在好少有推住點心車啦..........童年回憶返晒黎
阿嫂比左兩個蛋糕仔給我
飲完茶好飽啦...........晚餐食蛋糕仔便算。
(22-08-21)星期曰
琴晚又煲定弼今朝當早餐.............瑤柱魚肉粥....巧食
中午滾下菜同水餃、再食個蛋糕仔咁就飽啦..........
日日都熱辣辣．落街買舊冬瓜煲下湯解下暑............
晚餐~~冬瓜湯加菜同丸、拉麵又一餐.......
今朝早餐要食飽飽先得啦、因今日11點開始要做另一階段
標靶療程、一做就3個鐘頭。
吊完標靶藥都下午2點幾啦........之後嘗試行去
骨科問下今日洗傷口得唔得、因我唔想明天又再
黎多次......好彩．護士話下不為例。
洗埋傷口都3點幾．搭小巴士到116總站附近商場大×樂食番個
炸雞脾、西多士下午茶醫肚。
冬瓜湯仲未飲完、所以今日又同昨晚一樣的野食...........
(24-08-21)星期二
今日的早餐．小蛋糕配脫脂奶........因住院時每晚
員工9點前都派一盒奶及餅或包.......所以我習慣左Lu
食完早餐外面又落大雨、見都停雨又出太陽、咁落街去Megabox
宜家傢俬行下、行下又夠鐘食晏啦..........
食完又四圍行下、又見到"迪士尼公仔"做展覽.......
逢星期三睇戲有特$40蚊、不過唔係人人受惠
除非果日放假............
今日終於搵到佢啦............
放係把傘底咁就唔怕滑啦.........
今晚終於飲完冬瓜湯啦...........
(25-08-21)星期三
又食自家制瑤柱粥做早餐........巧食
中午簡單食蕎麥麵便算
三點三下午茶焗個至愛Pizza食.........yummy
食完Pizza........好勤力既我洗窗簾換床單同抹埋地添.........乖乖
晚餐~~煎羊扒同三文魚配露筍.........
(26-08-21)星期四
琴日煮多左蕎麥麵、所以朝早當早餐食.............
中午又係煮水餃、烏冬同菜芯又一餐.............
睇左一陣殘奧就落街行去商場行下、行到KFC想食佢個套餐
但又多人排隊、咪轉去大×活食下午茶...........
食完下午茶去左麥噹噹買2件麥炸雞返屋企食..........
晚餐~~整埋琴日解凍既羊扒．三文魚煮黎食先..........
食完晚餐再食自家製綠豆海帶糖水做甜品~~yummy
(27-08-21)星期五
又食自家制瑤柱粥做早餐
今日成朝早落雨冇出街、用後備杯麵當中午、呢款叻沙味杯麵
未試過喎.........味道都可以既。
不停落雨只好留家睇殘奧會.......晚餐~煮簡單Ｄ便算啦。
差不多隔日都食咁既野.........因諗唔都煮Ｄ乜食。
(28-08-21)星期六
跑友約我今朝去飲早茶、但我話唔落雨就黎啦。
天公造美睛天............
飲完茶仲係睛天、所以行去買野、點知行去搭巴士
又突然落雨。好彩雨唔算大............
返到屋企放好Ｄ野就沖番個涼先.......每次都似木乃伊咁
話咁快又到下午茶啦、不過我只食一件同一半粟米。其餘留番
一陣晚餐食............
又到晚餐既時間啦~~剛才食剩餘既雞同粟米現在先食。
