(29-10-13)星期二~~約咗好耐冇見面嘅跑友,去香港仔(重開發仔記)食海鮮同小菜
果日約咗7:30pm係發仔記等,但我又早到一個鐘,所以四周圍行,但係果度又乜
嘢行........行行下睇到(鴨脷洲大街),即想起(免費報紙介紹)附近有間食鹵水鴨
(妹記佩蘭鹵水)~~~橫掂未夠鐘,就去試下啦....
呢間店同茶餐廳冇乜分別,乜都有得買,仲有車仔麵食添,
不過佢出名鹵水鴨,所以叫碗"鹵水鴨米線"
碗"鹵水鴨米線"嚟啦~~~~鴨肉好多,全是鴨肶肉冇乜骨......好食
而湯底好飲,飲咗唔會口喝,所以一定冇落味精.價錢又平又好食
食完米線,行過去時間啱啱好,發仔記比以前細咗d,但係都有很多人嚟食
所以想嚟食最好訂位啦,Walk in一定要等好耐.好彩我哋有訂位咋....
人齊啦~~~先叫超冰凍啤酒~~啤啤佢先啦.........不過唔關我事呢
跑友帶咗一支紅酒~~呢支我可以飲少少加多多7up嚟飲...hehe
飲啤酒點少得食雞脚嚟送酒架~~~不過,今次d雞脚唔夠淋但都好食
唔知點解今次d炒蜆,只見蜆殼多,但蜆肉就少???
新鮮海蝦~~~夠鮮味彈牙
清蒸什游水魚,夠新鮮好食
臘味炒芥蘭,大碟又好食
炸魚~~~炸都連骨都食埋,夠脆口好食,又唔炸得太乾身
酥炸雞中翼,味道ok
大家一邊暢飲一邊講住事,同埋一邊食.......平時佢哋唔會食咁多
可能大家都知道,很難先至約到一班出嚟食.所以今日盡情叫嘢食啦
炸魷魚好食
椒鹽炒腰果蝦乾~~~蝦乾好鮮味好食......正....用嚟送啤酒一流
真係食都唔停得口呀~~~講我呀......哈哈哈.........干炒牛河好食
肉絲炒麵.......正呀.........
食咗咁多嘢好飽~~~講我呀............原來仲有"花生豬手"未食呀
咁~~~食埋佢啦喂.............今次豬手唔夠淋,但味道ok.
今晚大家真係飲飽食醉~~~~冇人醉,只有我頭重重姐.
埋單$1000蚊,6個人~每人$170,好抵食~~~下次又再來
