回鄉探親2013(Day 2~Day 3)

(14-10-13)星期一~朝早起身去飲早茶,嘆完茶同呀姨搭車落新會新巴士總站,然後

再轉巴士去拱北.坐咗個幾鐘,已經到咗拱北,跟住過關去澳門.過咗關己經12點半.

表姊剛剛到,然後帶我番佢屋企放低行李.....跟住去飲茶醫肚啦

飲完茶,我話去新馬路買手信同買船飛.點知去到"肥仔記"想買花生糖,見到排晒隊.

放氣唔買住.然後再行去"最香"買杏仁餅,又見到排晒隊...都係等明日先買啦

我諗都係電視劇"巨輪"有關係啦.咁咪番表姊屋企吃飯把啦

(15-10-13)星期二~~~朝早起身,表姊問我想去邊飲茶,我話去"龍華"飲茶,

因我想帶呀姨去試下...............咁表姊就帶我哋由"摩鬼山"行去.

我話咁都好,當行晨運.

行到上嚟,見到大厦外牆.好熟口熟面嘅感覺.好有親切感.因為香港也有這情景

我哋去到"龍華"坐底,然後我睇下有乜嘢食,只見得兩三點心.我問老細仲有冇點心.

佢話有蔥油雞,咁即係冇嘢食,走人..但冇食嘢,都要比20蚊茶錢...以後都唔嚟啦

之後,表姊帶我哋去附近飲茶...................

飲完茶,我話帶呀姨去行下影相.表姊講下午要返工唔跟我哋去.咁我做住導遊先啦

行去"大三巴"前見到有"榴蓮王雪糕",好想試下........

又行過少少,又見到"土耳其"冰淇淋引死人啦.............

影完相行番落嚟,才發現有"Dairy Queen"~~~唔忍啦........食咗先講.

澳門都咁貴喎$13蚊.如果我冇記錯的話~~~~食落味道欠少少奶味同唔夠滑.

食完雪糕,返表姊屋企休息咗一陣.然後去另一位表姊屋企坐下,跟住去食飯.
剛好"日落"睇下幾靚

表姊話呢間成日坐滿人,所以帶我嚟試下.今日咁早6點幾仲有位,但坐咗一陣,

已經坐滿啦呢度出餐好慢呀.我問呀姐點解咁慢,佢話假期後d嘢食冇醃咁多喎...

芥末魚皮凍食,好大碟又多,價錢唔貴,好食...............如果係香港冇咁多,而且又貴

南瓜蒸排骨......用成隻南瓜整,夠特別........食落又夠甜,排骨又好食......正

其實,仲有其它嘢食.不過乜特別所以我無影,但每碟餸都好食又夠多.......唔錯

未食前同表姊,呀姨另一位表姊d女.嚟個大合照.其實,兩位表姊我都係第一次見面.
日後都會多d聯絡,因為有whatsapp嗎