安德魯餅店(路環) / MGM (澳門Day 2 Part 2)

同跑友飲完早飲、大家各有各路。而我繼續食嘢之旅。

我之前問跑友去路環搭幾多號車、佢可能聽唔錯、所以點咗

我去碼頭搭28A。但我有疑惑、所以問車長。

車長話葡京對面巴士站搭50、25號。好彩再問下姐、唔係被跑友老點

 我好耐無嚟過、原來改變咗好多。當巴士行經石排灣村時、使我

眼前一亮、靚過香港公屋好多呀~~~香港真係要學下啦

睇完屋村冇耐~~~又到咗路環啦。係街邊見到隻鬆毛狗幾可愛

即整新鮮葡撻

 原本想食多個葡撻、但夜晚要食自助餐、所以叫兩個葡撻加一件天使橙皮蛋糕

澳門葡撻真係好好食~~正、而天使橙皮蛋糕有軟又好食

 原想買天使橙皮蛋糕返香港、但佢哋話唔可以放得耐、因為

冇落防腐劑呀。諗住做手信添、咁就買其它嘢做手信

 食完葡撻周圍行下

 行完搭車出去前、想去呢間綠色鐵皮屋食碗蕃茄豬扒通。

可惜一早買晒、下次我會上午嚟

搭巴士出番去都係3點半、所以行去MGM問下自助餐幾錢

 嘩~~~加咗好多喎........之前食都係$2佰零蚊，現在要$398

好貴呀、不過可以食5個鐘都算抵食

 睇完魚行去新馬路買肥仔記花生糖同Lucky Cookies

 買完手信行去新葡京食自助餐、但路過呢間Cafe Free見到d蛋糕

睇落好似唔錯、可惜要食自助餐、留番下次先買嚟食.