Bella Kitchen(銅鑼灣)

(24-02-14)星期一~~~~琴日講過今日上司請食lunch

今次去咗公司附近渣甸中心8樓Bella Kitchen食西餐、

我去到以為係我上司有份開、因為有佢個名都有 Bella字

我哋一行14人上到餐廳、即坐底點嘢食。我點咗三文魚餐。

等咗一陣、先嚟麵包~~~唔記得叫咩名、但幾好食。

 套餐有送湯或沙律、咁問侍應有咩湯~~~佢講西蘭花湯、但似

忌廉湯多d、不過味道都OK

同事就叫沙律、沙律嚟到原來係凍意大利麵。咁都叫沙律???

 好彩我叫煎三文魚、點都穩陣d~~~哈哈哈

三文魚皮煎得香脆、醬汁味道都唔錯。

 食完餐、叫番杯凍0茶~~等一陣侍應攞咗d馬卡龍嚟、餐牌冇寫有甜品送、

可能係我上司識人所以送比我哋食......馬卡龍巧食

食完呢餐、又等星期三打邊爐~~~跟住星期四請假同跑友去BBQ~~哈哈哈

茶木(銅鑼灣)黃金廣場

(17-02-14)星期一~~~~天氣凍、似蛇一樣冬眠、懶咗一星期....哈哈哈

新年雖然過咗2個星期、食開年飯幾時都食得。

原本年初五食、但有位同事唔得閒、所以遲咗到今個星期。

今次係揸車同事請食開年飯、我哋一行四人去咗(銅鑼灣)黃金廣場9樓"茶木"

因為同事講呢間d嘢食都唔錯呀。咁咪要去試下啦~~~~

 我哋六點準時收工、即去攞位。因為冇得book位、如果冇位就要等好耐啦

好彩嚟到仲有位~~~~坐底才發覺張枱幾得意喎

呢度d坐位都幾整齊又坐得適服、燈光又光猛

 嘩~~~餐牌show d嘢都幾正喎

 

同事叫嘅"紅燒牛肉麵"~~~佢話好正、睇賣相都知、下次我嚟試下先

 呢杯我叫"水果冰紅茶"~~~~味道幾好飲

 覆盤沙凍~~~睇落唔錯、味道唔知。

香蕉奶昔

 我叫嘅"香煎沙朗肉燥飯"~~~牛肉食落夠淋、肉燥又好食.....唔錯

土豆絲炸蝦卷~~~唔錯

 台式烤香腸~~~冇乜特別、食落ok

 紅油炒手~~~d汁巧辣

 台式醬牛肉~~~味道ok、都係冇乜特別

同事叫嘅"酥炸豬排肉燥飯"~~~豬排好薄、但味道可以

 我哋食都差唔多、叫咗兩個甜品一個"芒果冰淇淋黃金磚塊"

另一個"士多啤梨冰淇淋黃金磚塊"

睇賣相好靚~~~多士加雪糕一齊食、食落又巧夾又巧食~~~~正

 曾經講過話減肥~~~可惜不敵美食吸引、而且

又有人請點樣唔食呢~~~哈哈哈

食開就停不了啦~~~星期一上司又請食中午飯啦、

跟住星期三又同中學同學去打邊爐、唔肥就假啦。

好~~~~食埋呢幾餐、再減過....哈哈哈

渣打馬拉松2014

(16-02-14)星期日~~~一年一度馬拉松昨日完滿結束。

有人開心、亦有人唔開心。雖然係咁、但期望明年再嚟過。

現在回想昨日的開心事。

 昨日有位運動員手揸一束鮮花過終點、原來用嚟

求婚、真浪漫。雖然不是新鮮事、但仲算有誠意呀。

 深心一吻、求婚成功。

 每年都有好多人識心打扮一番嚟跑馬拉松、呢個扮悟空

 還有中國孫悟空。

 仲有鹹蛋超人

 其實仲有好多，不過無影~~~下年馬拉松再見

情人節快樂

(14-02-14)星期五~~~今日係中國元宵節同西方情人節。

祝中西情人節快樂

今日唔知點解胃口特別好、食咗四餐。第一餐、鵝頸橋九記車仔麵

今次九什食撈加魚餅~~~巧食

 下午做晒嘢、3點3落街食第二餐去Starbucks Coffee下午茶。

天氣凍冰冰飲番杯熱飲食件芝士cake~~~超滿足

 歎完下午茶返公司休息下等收工、臨收工前15分鐘。

我部門(Admin)同事講人事部(HR)經理請食Cake。

她講今日係中西情人節咁特別、所以慶祝一下~~多謝呀

我選擇心型cake~~~真係好好食又好味

收咗工趕去教班~~~話咁快又收工、今晚想食KFC。

因為有新嘢推出(西檸甜脆雞)、我排隊前面有位小朋友眼甘甘望住我

然後同我揮手及飛吻~~~嘩、我收到啦。多謝喎、哈哈哈

 其實係西檸檬汁倒落脆雞度、不過甜甜酸酸又幾好味~~~ok

 再祝情人節快樂

西苑(銅鑼灣)

(10-02-14)星期一~~~今日中午食公司開年飯、我哋提早去酒家。

坐底睇睇餐牌~~有好多新春句語喎、唔知係唔係餸名嚟架

人齊開餐~~松露醬野茵OK、大哥叉燒~切得大大舊、但食落好淋好好食

不過、切得太大舊、每人食得一舊、但坐係我隔離女同事唔食、

她叫我食埋佢果舊~~哦、咁我唔客氣啦.......哈哈哈

脆皮素鵝~好食....佢又唔食、我又代佢食埋啦~~~~hehehe

馳名爵士靚湯~~唔知點解改呢名、但又濃味又巧巧飲呀。

原來係用花膠、雞脚、豬展煲嘅湯。

生煎龍躉好食~~~花雕蒸元貝皇、好大隻元貝呀、幾特別。

同事講D蛋有少少酒味、但我食唔到喎、d蛋滑、元貝又巧食

我又可以食多粒、唔使講啦~~~哈哈哈

食到呢碟、又係到抽利是環節啦~~~今日老細好開心、加完一次利是

再加幾封五佰蚊利是抽獎、我抽唔到呀、但坐我隔離女同事就抽中、

唔通真係有得必有失、因我食埋佢果份、所以我抽唔中~~~天意

我坐果枱有四人抽中、有兩個仲抽中大獎一仟蚊現金、

佢哋話明天請食甜品~~~~萬歲

年十二拆利是、今年收咗60幾封利是、破記錄。

(12-02-14)星期二~~~今日都係好凍、只得8度.....巧凍呀

琴日講今日有同事請食撈起~~~她專由"馬來西亞"帶番嚟呀。

我都未試過好特別喎~~~

 食之前仲加D脆脆、再芝麻同花生碎、然後再加油、酸梅醬。

其實仲有三文魚或軟腳蟹、但軟腳蟹淋晒、所以無落。

 大家己經準備撈啦~~~傳統話要一邊撈一邊講好意頭嘅說話

身體健康、事事順利、財源滾滾來、越撈越起

 撈完晒、好彩無飛晒出嚟姐~~~酸酸辣辣好開胃、因為係前菜嚟

 琴日係開年飯抽到大獎兩位同事、今日請食糖水。

 同事比嘅利是、封面幾特別。明天她又請食中午開年飯。

明日天氣都會巧凍、最啱打邊爐。

所以小學同學約咗打邊爐兼聚會。