阿一豬扒酸辣米綫 / 源興美食餐廳 / 渣打馬拉松嘉年華2014

(05-02-14)星期三~~~跑友打電話嚟話想約我今晚一齊跑步、

我講無問題、橫樹我都想跑。我哋一跑就一小時十分鐘、

總共10公里有多啦、係我計初四之後第三次練跑~~~干爸爹

 

 我哋跑完步、有少少肚餓、而且果日天氣仲有少少凍凍地添。

所以即刻去揾嘢食、不過係東大街邊怕冇嘢食吖。

而我就提議去"阿一豬扒酸辣米綫"食、因為凍凍地食番d辣嘢咪暖晒啦

豬扒醃得入味好食、而湯酸酸辣辣、錯綜複雜嘅感覺巧正呀

 跑友睇到有炸雲吞、即叫番碟。睇見賣相唔錯、食落皮脆巧食

(07-02-14)星期五~~~下午係旺角做完嘢、拍擋話肚餓。我哋咪去番

星期二未有得食咖哩果間店。我諗今次有得食啦呱~~~~

 我哋去到即問有冇咖哩食先、佢哋講有。我哋即坐底、伙計即

攞碗"西洋湯"~~~又足料又冇落味精、巧巧飲。

點解我會嚟呢間食咖哩~~因為睇到雜誌介紹過、佢仲話係

九龍版灣仔鵝頸橋清真"惠記"添、好似話係舊伙計自已出嚟開嘅。

 睇下係咪似曾相識呢~~~因為鵝頸橋清真"惠記"都係咁樣上碟架

我食舊羊腩先、夠肥又冇骨好食、咖哩又夠辣。

我覺得好食過鵝頸橋清真"惠記"添~~~鵝頸橋清真"惠記"d羊腩骨多過肉

而佢哋現在d 咖哩汁又好似水汪汪咁~~~麻麻哋

 呢度仲有facebook喎、如果第一次check-in及like仲有送一杯嘢飲添

我食完咖哩、仲有杯免費凍嘢飲~~~舒服晒、而今餐仲有朋友請呀

 下午食完咖哩~~今晚仲要同跑會食飯、所以飯前做番下運動先

(08-02-14)星期六~~~朝早11點約咗跑友飲早茶。然後

去維園"馬拉松嘉年華"同跑友嘅公司撐場。我幫完人撐場

到自已去攞工作人員証~~~~下星期日16號就係"渣打馬拉松"

 呢度都有小朋友畫嘅 T-恤比賽

 而我選咗呢件傷健同跑

仲有靚女同你影相架

 小學生化晒妝嚟表演

星期一係公司開年飯、然後星期二係同事請食撈起飯、

而星期三都係一同事請食開年飯。食埋呢幾餐要認真減下肥啦。

因為有個大肚腩~為咗健康要同美食、講聲拜拜~~~~鳴鳴鳴

暫別六個月先~~~盡量啦~~~哈哈哈