西貢碼頭(海灣燒烤大王)

(13-04-14)星期日~~~琴日先食咗兩餐、今日又嚟BBQ。

其實係一早約定晒、所以冇得推啦。

今次BBQ是為台灣返嚟嘅同學聚一聚、所以點都要出席。

西貢多海鮮酒家、睇下d船家準備幾多海鮮sale比客人、

等客人買完海鮮攞去酒家煮。

假日多人放狗、仲有放風箏、睇下幾長嘅風箏。

今次BBQ又再約番3年前的(海灣燒烤大王)、但發覺貴咗好多喎

果年只係$138、今年就要$188~~樣樣都加、就係人工唔加得多

無嚟3年、熟食區冇變、攞生嘢食都冇變

加咗多都有佢道埋、汽水任食。如果係出面BBQ場、只送一罐汽水

要買就要$5~~$10蚊、所以你飲10次已經回本啦~~~哈哈哈

呢度要自已攞炭架、不過係任攞呀、唔同其他場你用完炭、要比錢買。

燒燒下、同學見我不停燒又不停食。佢哋話我成日係FACEBOOK

講減肥、但見我肚腩同3年前一樣咁大。我同佢哋講我有減過20磅、

只可惜坐骨神經痛做唔都運動、所以先咁肥之嗎~~~

台灣返嚟嘅同學就同我講、如果我係10月前減到肥、佢就會專登搭飛機返香港。

我講好呀~~~今日起開始再次減肥。所以我現在要同美食暫別六個月啦

I believe l can fly.............