天天好海鮮酒家(西貢)

(01-06-14)星期日~~以為琴日天氣好鬼熱、點知今日天氣仲熱、

有成33度真攞命。早前已經約好由"馬鞍山公園"跑入"西貢"

之後吃海鮮。起跑時間好遲成9點半、太陽伯伯都出晒嚟啦。

跑咗一陣都想唔跑、但諗起吃海鮮點都要完成呀。

終於跑完12公里，時間1小時50分、跑都想死呀。

搞手揾咗呢間天天好海鮮酒家、雖然唔出名、但我坐

得舒服同包場、因為地方細、所以分上、下兩場。

跑得快先食、然後比番張枱我哋d跑得慢嘅人。

咁我哋就可以慢慢食~~~唔使趕啦

未到我哋食、為有飲番支汽水解喝先、點知飲下飲下已經5支呀

未食已經肚到脹晒添~~~

巧食又鮮甜~~~蜆

大聖子每人一條、辣辣地好食

鮑魚仔好食

椒鹽炸魷魚ok

干煎大蝦、巧食

魚大條新鮮、正~~~炸乳鴿夠脆皮、唔乾身有肉汁

其實仲有兩碟菜無影、而飯、炒麵都ok、任飲汽水啤酒、

加埋每人都係$230超抵食。但食咗今餐又要跑番10公里先得啦