759車仔麵 / 蛇宴 / 自家製春雞 / 一品鍋雲南酸辣米線

(16-01-15)星期五~~~一星期順利食渡過、今日約咗小學同學食飯。

(12-01-15)星期一~~~經過觀塘A P M見到新年裝飾、仲有一個月

就新年啦

今日收工冇乜嘢做、所以去咗九龍灣國際展貿中心裡面嘅759睇下

有冇呢款八爬魚罐頭買、因我食過好啱我口味、但當我想去再買已經

冇晒貨啦、我已經去過好多間759揾過都係冇貨呀~~~~

所以咪九展撞下運氣啦、但未睇嘢之前醫下肚先、行去揾嘢食見到有759車仔麵

咁我又去試下啦、我叫咗四餸~~~先食蘿蔔、夠淋入味好食、

豬大腸夠so味~~正。牛腩唔錯。雞扒ok啦、湯好飲~~~正

原來呢度都係冇我想買嘅罐頭呀~~~嗚嗚嗚

最返 7-11換螢光公仔、我鐘意呢隻Q版恐龍同埋朱仔。

還有新年版大眼仔。不過冇儲印花、直接報紙檔買$40。

因為可以唔使硬要買嘢儲印花

(13-01-15)星期二~~~果日有凍又落雨、最好去打邊爐食下嘢暖下胃。

好彩跑友一個月之前已經同我哋訂咗蛇宴啦~~~~啱哂時候

總括食嘢都唔錯、最正係隻炸子雞皮脆肉嫩~~~正呀

(14-01-15)星期三~~~其實隻雞星期一開始醃、原本星期二焗嚟食

但忙記星期二要去食蛇宴、所以留到今晚焗嚟食

睇買相唔錯、但食落就一般、可能醃得唔夠耐、下次再整過

(15-01-15)星期四~~~今晚約咗師父 7 pm嚟睇位裝冷氣機、所以我未夠鐘就收工

走人。師父嚟睇完位、我即車落新蒲崗食酸辣米線因今晚我好想食呀

食完酸辣米線再行多陣、就搭小巴返屋企、返到咗慈雲山中心

之後、我又好想食嘢、咁咪去買咗3蚊壽司食~~~

食完壽司又諗起今日買咗三個棵未食喎、所以又食埋佢。

今晚我變咗大食積呀~~好滿足的一晚

今早在銅鑼灣派嘅牛奶、飲落又啱我口味喎