長洲平記(中環) / 妹記佩蘭鹵汁鴨餐廳(鴨脷洲大街)

(04-09-15)星期五

琴晚食淨雲耳蒸雞餸帶飯返公司做午餐、健康又慳錢。

下午經過中環永和街又見都有人排隊買珍妮曲奇、早排已經

有一段時間冇人排隊啦~~~~

行落兩個舖見到有間新開嘅長洲平記買"芒果糯米糍"唔知

係唔係長洲果間呀~~如果係就唔使山長水遠入去食啦

咁買件嚟試下、佢哋先揾張紙包好比妳

等妳食果時唔會四周圍係糯米粉夠細心

皮薄但味道一般、芒果肉唔夠香甜

可以一試

如果想嚟食記得睇營業時間~~~星期日及公眾假期休息呀
不過現在有好多地方都寫住長洲乜乜糯米糍喎???邊間先正呀

食完糯米糍朋友又係許留仙買咗杯芒果西米露~~~~正

希慎廣場有Line公仔

Yeah~~~

收工落公司club放底嘢跑去中山公園、但跑到中環碼頭

睇見咁靚夜景影底佢先、但影完手機GPS又停咗

又要從新開始計過、又跑到咗中山公園

我又影下嘢但手機GPS又停咗

又從新開始計過~~~我應該跑咗有5公里

返屋企煎埋件西泠排同飲埋琴日d冬瓜湯

飯後生果中國哈密瓜~~~甜甜地算可以

(05-09-15)星期六

幾日前買咗腸粉放咗係雪櫃唔記得食、今日瞓醒煎腸粉當早餐

買相算唔錯、食落都好食呀~~~~因我煮嗎、哈哈哈

食完早餐、搭車過香港再入香港仔跑步、游水。

今日有成31度好熱、我覺得累累地唔想游水只跑步

跑到入淺水灣再跑番出嚟都有d累、所以今日跑下行下再跑下。

好累呀~~~~

跑完步去醫肚、踏$2.2艇仔過鴨脷洲大街食妹記佩蘭鹵汁鴨

今日叫兩併牛腩加鹵汁鴨米同一杯咸檸檸檬水、d湯好飲無落味精

牛腩好食喎、鹵汁鴨一樣好食~~~~正

返屋企食完飯、飲碗琴晚煲好又放咗即雪櫃嘅腐竹糖水、

好飲但有少少甜咗d、下次落少d糖先

琴晚無線又播"我的野蠻女友"~~我睇過好多次但都唔覺得悶

因為我相信緣份、有緣千里能相會無緣對面不相逢~~~