五十歲生日過澳門~~~食、食、食(Part~1)

(12-10-15)星期一
時間點解去得咁快我已到咗半佰歲???~~~~~~天呀

算吧、事實沒得改變~~~繼續食喝玩樂、週遊列國啦
講番生日果天、我同10月生日公司拍檔兼朋友、仲有佢老婆齊齊過澳門

我一早安排好一日行程~~~船到澳門之後、再搭永利賭場轉車
去(永利軒)飲早茶~~~book咗11:30am去到時間啱啱好

冇嚟咁耐價錢加再MOP 20蚊都咁抵食、MOP 188任選六點心

其實款式差不多、但味道唔錯~~~而係香港咁嘅幽靜環境下飲茶
價錢一定好貴

蝦餃皮薄、蝦咬落彈牙好食、而柚子桂花凍糕、清新特別好食

我哋再加多2個點心、埋單要MOP 380。因加埋茶錢同加一
不過環境唔錯、仲有水晶龍陪妳~~~
如果想嚟飲茶、先要Book位冇walk in呀、男仕要穿長褲冇拖鞋

食完又帶朋友去揾嘢食、經過新浦京見到香港已沒有嘅三輪車

去咗安德魯食葡撻、又加到MOP 10蚊

又再去尋嘢食

又到咗大棠巷食胡椒餅~~~熱辣辣肉汁多好食

朋友話想食楊六牛雜、咁又帶佢去但未夠2點鐘開。

咁就帶朋友想去嘅最香餅家買手信啦

平日都要排隊買、咁假期咪仲超多人~~~

 現場即整即炭燒夠清鮮又好食

買完心頭愛手信行去食牛雜、經過三元粥品
見到關門中午休息、真寫意~~~~係香港一定唔得啦

終於到2點啦~~~好耐未食但牛雜剪得太碎、湯又唔夠熱

味道又差不多、朋友食完就好失望啦~~~

食完嘢朋友話要送老婆去碼頭搭4點半船返香港湊仔
未夠鐘就行下八佰伴~~~每層都有一對熊穿著唔同衫仔~~~So Cute