林記蘿點心(大埔墟街市) / 慈山寺半日遊 / 火木八韓燒(沙田) / 松記糖水店(沙田)

(25-12-15)星期五

又到聖誕、又到聖誕~~~~聖誕快樂

今日節日豐富~~~朋友係網上book左下午1:45pm去" 慈山寺"參觀。
我地約左係大埔火車站等、但未到時間左大埔墟街市食野先。
原本想食豬排麵但太多人、好彩呢度好多食店、咁試下其它野
行到呢"林記點心"有位坐底、而網上都有推介

叫左"蝦餃"燒賣"同排骨飯~~呢度d排骨飯係用個碗黎蒸、幾特別
排骨飯d排骨好食、而蝦餃皮就厚左d、味道都可以。
燒賣都ok、埋單$38蚊。

食飽飽去會朋友一齊去慈山寺啦、呢度無專線小巴去、只有搭的士上。

到左都要排隊登記入場

係門口望到觀世音像

入場每人派張証

我有朋友去過、叫我入場先去登記導賞團同睇3D、所以我

第一時間去登記啦、導賞團要按金$100蚊租耳機、完左可退還。

睇完3D只係7分鐘、所以行過隔離飲茶同食野。

呢度飲茶同Coffee係有得選擇、仲唔收錢不過係隨意比錢。

我見到無人比錢入落個箱度、唔係掛小小心意都唔比。

我緊係比啦。

睇下coffee有拉花呀、cake都好食呀。

食完岩岩好開始導賞團啦、不過導遊係講國語、所以有d人

唔識聽就自已行。

其實唔跟導賞團都可以、因為可以自已四周行、只是冇人

介紹寺裡面d像是什麼的。

我都冇跟自已行、最後行到超高觀世音像~~~真係壯觀

行到四點累累地．其實呢度地方唔算大。

再去飲多杯coffee。

等齊人去食"韓燒"

如果想book就要朝早上8點開始上網book啦、大約要一個月呀

book左6點去食"韓燒"~~~參觀完慈山寺岩岩好時間好

前菜可以任添食~~~正

芝土蛋好好食

咁燒芝士蠔都第一次、味道都唔錯

其實我地叫左好多野．但掛住食有d無影。

唔知乜粉絲但好食

配菜夾生菜、巧巧食~~~~又食飽飽。

食完韓燒再去大埔食糖水、今日超滿足。