(17-04-16)星期日
(星期五)又食左同事散水蛋撻、而我又開始倒數離開日子啦~~~
當我講笑問HR同事你又幾時走呀、佢就話下個月15號~~~~
而我所知HR會陸續輪流走人啦.................
琴日去左運動場了解田徑裁判點樣做.......
今日就去運動場做實習田徑裁判.......我做三級跳項目........
而我負責基本工作爬沙.......話都幾用力喎.....就當減肥啦.....
由朝早8點做到下午4點巧累呀~~~
做完搭車返屋企．順便去街市睇下有咩買....見到有珍珠蜆
一於買佢$20蚊.......
沖完身就蒸珍珠蜆食......嘩....細細粒脹卜卜、食落巧鮮甜呀
好滿足呢............
華~~d珍珠蜆好脹卜卜呀~~~~~
回覆刪除係呢~你之後有咩打算呀?
我想休息下先....之後再去搵工....如果想到有岩既工都會去見
刪除順其自然...........
係啦~休息下啦~
刪除人一生真係忙忙碌碌既多~
我好感性...(唔係性感呀)
因為明天要去醫院照超聲波、而5月又去做心電圖、唔休息下點得呢
刪除係啦..抖下啦..
刪除其實都係身體要緊
我都係抖一頭半個月啦......我係月光族呀
刪除做咩偷左咁多日懶既?好忙呀近排?
刪除請問珍珠蜆係邊度買？
回覆刪除街市買．但可能不是每個街市有得買
刪除