邊爐打不停 / 麥當勞陪伴我成長

(08-07-16)星期五

跑友約打邊爐緊係去啦、但未食之前做下運動先。

今次特別D去人地公司裡面打邊爐、因夠靜同有勁冷氣嗎?

(11-07-16)星期一

朝早冇野做去睇(寒戰2)幾精彩好睇.....但係....唔講睇左就明

散場見到方力申同佢班師弟一齊睇早場。

佢地一路行一路講點解係咁、我諗你去做編劇啦

(12-07-16)星期二

返阿媽度囉郵局欠款咭、人地寄呢唔夠錢點解要我比架。

咁就順便行下剛剛裝修完既AEON超市先

嘩.........入門口就見到超大西瓜呀

 然後又再周圍行睇下、行行下就見到日本過江龍生果撻專門店

 好多唔同款式．睇落好靚咁喎........

花多眼亂好難選擇喎.........

 最後我選左細芒果撻$28.......味道ok但芒果肉唔係好甜

 食完生果撻行去太古城郵政局囉信比錢。行過廣場有麥當當懷舊展覽

 肥嘟嘟

 漢寶神偷呀

 唔記得呢五隻乜名

 呢隻都唔記得

 以前送既公仔

 Wellcome.........

(13-07-16)星期三

琴日去左跑友做既機構做物理治療、做完條腰舒適左好多。

臨走前跑友比D冷麵同魚湯請我食、佢話整多左。

咁就唔客氣啦.........魚湯好正冇味精........自家製巧食

琴晚收到個電話、佢問我係咪有興趣做呢職位呀

我話係.......心諗我冇申請妳公司喎....我叫佢send e-mail比我睇

睇完e-mail。叫佢今日再打比我傾下....

今朝早她再打黎問完一輪野.....叫我等消息......應該都係冇啦