自助餐早餐 / 打風

(22-08-17)星期二

琴日晨早要囉野返阿媽度因有社工黎探訪。

原因係工人做多一年就返去印尼．所以媽媽

可能要住安老院啦.............

每次返黎都想入去食、但太早。不過今次就唔同

我朝早6點45分鐘已經左、餐廳7點半先開

出大堂又見到呢隻街貓啦......佢超串呀....唔係成日彩人

今日見到我自勳行埋黎喎......少見....唔同你玩

我要去食早餐啦

入到餐廳先買餐飛才可以入去食架.........

先黎一杯熱豆漿．炒麵同烚蛋同埋通粉羅宋湯.....

食完第一輪休息一陣、再去囉南瓜粥同腸粉、蒸包

食完第二輪去玩D.I.Y煎蛋、我用左心型模型煎蛋．

可惜放落麵包就變左形啦........

黎間餐廳係用晒退休人仕做侍應呀、我開頭以為佢地

仲乜唔執碟、原來係節約用水......

(23-08-17)星期三

今日打風叫做多一日假、但係屋企成日要聽住收音機打風情況。

真係唔多好．因為怕個風黎得快又走得快..........

好彩今次一早9點掛10號風球至下午2點......之後轉為8號風球。

不過還未開心因為風球係下午3點前轉3號風球。

我就要2個鐘頭內返到公司、好彩3點後都係8號風球。

我望望窗出面街冇落雨咁即刻換衫落街跑步.......

頂.......落到街先黎落雨.......唔通連天都唔鐘意我

橫掂落再街去街市有咩野買、行左一圈再上商場睇下

快餐店有冇開.....嘩超多人已經排緊隊.............

唯有落番街市買滷水鴨同鴨下巴食啦..