錦麗越南河粉(九龍灣) / 成記茶寮(元朗) / 職業特工隊:叛逆之謎 / 雲南風味館

(24-07-18)星期二

今日過跑馬地跑步陰陰想落雨、換完衫真係落狗糞咁大。

唯有等天唔落先跑啦、10分鐘後終於停雨。

 唔係馬場跑道跑、跑去寶雲道由樓梯上、但要行3佰幾級樓梯

行十幾級停一停因血壓上升好高、所以行半個鐘才上到寶雲道。

Never give up、活到最後一刻、都要慢慢上去雖然好累。

 雖然用1hr08分但都完成返來.........死唔去......哈哈哈

跑完步又去"天天海南雞飯"食海南雞.....去到話買完海南雞

只得牛腩麵........唔係掛下午12點開...2點半買完...由白走多一次

咁去買水樽啦......買2個有8折

無得食海南雞即搭地鐵過九龍灣德福商場食越南過江龍

"錦麗"越南河粉........岩岩下午茶時間......要等一陣間才有位

 原本想試佢地正價河粉、但見有下午茶套餐咁試下

 叫左生熟牛肉河粉.......先試湯.....牛味濃好飲唔錯

唔算太細碗都夠食........好

 咁見價錢唔貴叫款小食牛油雞翼同小米糕

牛油雞翼脆好味........

小米糕鋪面既花生碎同芫荽酸醬幾好食......

原來一個餐跟一杯飲品.......一口飲兩杯巧飽

 可惜下午茶只提星期一至星期五

(25-07-18)星期三

今朝煮下早餐、雙蛋火腿撈麵........醒下自己先......

出街去九龍灣買預售明天既"職業特工隊:叛逆之謎"

 買完戲飛入元朗(成記茶寮)食豉油汁豬扒飯...........好難搵呀

搵左好耐終於找到了........佢地由下午12點做到下午3:30pm

所以黎食要睇時間呀..........

 我下午1點黎到想食"豬扒雞球飯"......伙計話雞球買晒

點解我想食既野都話買晒..........Play me 咩........嗚嗚嗚

唯有豬扒蛋啦...........嘩......豬扒大件、食落又淋又好食.....正

而煎蛋包D菜好食.......$44包飲品抵食.......不過呢度係冇冷氣架

下次我要早D黎...........試其它野先

 咁遠入到元朗點都買D出名手信回去啦........買比阿嫂既老婆餅

 我都買D老婆餅回家慢慢歎..........好鬼熱即搭輕鐵走人

 囉完老婆餅比阿嫂、搭車回家..........係街市買滷水鴨做晚餐

 咁鬼熱要煲D綠豆海帶臭草糖水解下暑.........yummy

(26-07-18)星期四

今早諗住未睇(職業特工隊:叛逆之謎)之前5:30am出街跑步

但望出窗口又見落大雨.........咁只去宜家傢俬食豐富早餐啦

呢集職業特工隊都同之前差不多好睇.........

 又去 雲南風味館食米線.......佢D野我覺得好食、所以間中會去食

蘿白入味、紅燒牛腩好食味道唔錯

 又試炸水餃.......皮厚左D......冇乜特別.....一般

 食完即閃回家、因太熱.......我快熔.........所以剪個靚髮先..........爽

咁熱........買番杯金桔檸檬......涼下........送老婆餅.........正