三日兩夜澳門&珠海遊....(第2天)

呢兩個星期都有睇戲~~黑鳳凰、黑超特警組、阿拉丁三套戲、

部部都好睇、但我鐘意睇阿拉丁多D。

可能我童年未有真正睇過一次阿拉丁、今次睇真人版

覺得新鮮同有創意。仲有女主角又靚女、D歌又好好聲。

如果真係有燈神我都想要一個願望呀................

近排我都好好..........懶寫blog..........

(31-05-19)星期五

琴夜食完自助餐、今朝又黎食早餐自助餐因為包埋嗎。

早餐都算多野食..........

我至愛格仔餅好食...........

再黎食多件

食完早餐返房休息多一陣退房、然後去關閘過拱北

琴日落微微雨好爽~今日好鬼熱呀~

到左酒店即刻沖番過涼先~~~爽晒

同朋友休息一陣、就搭的士去珠海新地標"日月貝"

車程好近20分鐘就到車費38人仔

落車見到Q版雞仔都幾得意

行上少少仲見到兩隻人咁高既豬仔、後面就係似貝殼既地標

行近D睇似唔似貝殼呢

原來係珠海大劇院黎

周圍行下

原來有巴士到、一陣走可以搭巴士返酒店

呢度都有好多食店、連香港有既陳記燒鵝都有得食。

朋友話試下、我話山長水遠黎食香港有得食既鵝.......唔係掛

不過、行過幾間食店都唔岩口味......咁試下呢間"懂鵝"啦

睇落幾正咁喎、食落仲幾好味、好食過香港某D食店.........唔錯

加左鵝油既西籣花~~~嘩......好好食喎

酸菜魚好大碟~~~食落冇骨魚肉又滑........正呀

冇諗過呢間似快餐店D野食咁好食....埋單都係人仔2佰零蚊抵食

食完午餐再吃杯意大利雪糕先~~百仙果味食呀

雪糕店冇開冷氣好鬼熱呀

行多一陣就搭巴士返酒店、珠海搭巴士好平只需要人仔一蚊呀

幾時香港學珠海搭巴士咁平呀...........

返到酒店都係五點幾休息一陣先去食晚餐...........

朋友搵到酒店附近有間潮州牛肉火鍋店、咁就去試下

食店廚窗放晒唔同牛既部位係度

不同醬料任你加.........仲有西瓜食

餐前食件西瓜先.....好甜

唔同部位既肉、真係唔同口味.....白色叫胸口油、滾幾滾就

食得、食落爽口好味...最後加多兩碟牛肉。一碟肥牛、一碟牛展

朋友食食話好飽啦......咁果兩碟點算好呢......我喂有慢慢食埋佢啦

好飽呀..........

星期一公司請退休同事食飯、我地緊有份食埋一份啦

距雛去旅行仲有三個月多少少.......興奮