(18-02-2020)星期二
因公司跟政府home office、所以今日同星期三放假。
原本留係屋企就最佳抗炎方法、但太悶啦......
咁搭地鐵去油塘站、然後去街市買一束小花行上墓場拜老豆。
呢度環境唔錯呀.............
(21-02-2020)星期五
今日公司派第三次口罩(10個)同消毒噴液...........
以為只派口罩、午餐後老闆仲向有返工既同事、每人
派"哈勤打"雪條.........yummy
星期六約左朋友行山抗炎........
(01-10-2019)星期二
昨晚睇左人生第一次北極光超興奮睡覺都甜D。今朝一早
起身就去健身室踏健身單車同用機跑步.........爽呀
健身室外面休息地方夠大夠舒適
沖完身又出去食午餐、呢座就係黃刀鎮最高既大廈
見到呢座大廈就容易知道方向返酒店
我地行到呢間食中國菜...........
煎魚同紫菜湯味道都可以
炒米粉就一般
肉絲炒麵都可以
炒飯味道平平、但係小鎮算可以啦............
食完飯又行去黃刀鎮鑽石中心
因為黃刀鎮附近發現左一鑽石廣
員工示範點樣打磨鑽石
咁細粒都幾難睇到喎、下面大粒容易睇D
我冇興趣睇先行返酒店休息下先..........
休息完我地又行去一早訂左既餐廳食水牛肉
我地booking既時間未到就四圍行影下相
呢間就係我地訂既餐廳啦..........
夠鐘入去食野啦.........入到裡面見到貼晒各國人寫既紙係牆上~~莊觀
我地每個人都叫炸魚同水牛扒、但我叫果份就分開上......
炸魚都有我隻手咁大塊架
應該係咁樣一齊上碟.............
講下D野食先。
炸魚太厚粉啦......魚肉又唔係咁特別......試過就算
而水牛肉食落又冇乜特別好食、都係果句試過就算
但唔明網上D人話好食........
食完又行返酒店等今夜9點睇北極光
行到酒店附近太陽落山.........
終於等到9點、領隊帶我地去另一個地方睇北極光..........
營裡面有人介紹不同動物皮草
呢度帶團係中國人所以溝通好方便、今睌女領隊帶埋雞翼同腸仔
一邊BBQ一邊等北極光出現
今晚好好天、但世事就係咁架啦........琴睌睇到今晚未必睇見
等........寂寞到夜深........只等到滿天星星
等左三個鐘乜北極光都睇唔見..............
呢張靚相係姪仔用apps影既相.........幾靚
