聖誕節2019快閃澳門兩日一夜(Day 2)

(06-02-2020)星期四

因肺炎嚴重政府要公務員再停工至2月16日、而

公司跟政府所以比我地輪流放假、今日我放假明天返。

上星期己經放左一日啦.......

今日我出街四圍行.......食完中午飯就搭船去北角、

然後由北角行上雲景道我母校、再行去大坑後搭巴士走人。

最近我一放假就去行山鍛鍊下身體。

初一、初二、初四、初六、初八、初九都有去行山。

(26-12-2019)星期四

我地一早去"益健名廚海鮮城"飲早茶。呢度點心好食又平。

呢碟蝦腸蝦又大、仲有2條菜送添。香港一定無得送。

呢度樣樣點心好食過香港呀。

3個人食左10款點心、埋單都係人民160蚊。如果係香港食

一定要4佰幾蚊先得。

呢度超多海鮮食.........下次再黎一定要試下

食飽飽返酒店休息一下然後退房..........跟住過返澳門

過到澳門差不多12點.......然後搭巴士去路環食野

安德魯花園咖啡~好耐無黎過歎下咖啡啦

Pizza我至愛味道唔錯又好好食

牛肉沙律味道唔錯

最後試下佢手做果子批~~味道又幾特別

聖誕節日咁既價錢都唔貴喎

呢度D牆壁畫都好靚

睇完一輪又要搭巴士去新馬路買手信

跑友話呢度D臘味好食

咁我就買番一斤潤腸試下先........

嘩~~~從來未見過咁大件既肉乾喎

澳門D聖誕裝飾幾靚

行都腳累要休息下同食野、上次黎食唔都"金非"豬潤麵

今次一定要試下啦

有冰凍酸梅山楂水~~解喝

麻辣豬紅~~又厚又唔易散又好食

豬潤麵~~豬潤好食、但唔夠香港既"漢發"豬潤咁厚同爽。

食完豬潤麵就返香港、下次再末

希望肺炎快D過去。