疫情下做運動(跑步減肥)14、15次

(31-05-2020)星期日

今夜又跑左51分鐘有4公里......跑步第14次

(05-06-2020)星期五

今日同下星期一我都放假、所以叫跑友帶去行山。

跑友就約左係元朗"大榮華"飲完早茶先去行"河背水塘"

有位跑友超推介"白果粥"~~嘩....跑馬日子我一定唔食架....

食落真係好好食喎.........

我地四個人食少少野先.........留肚行完食好野

記起上次想行"河背水塘"、因係荃灣很難上到巴士、所以

跑友今次搵到去"河背村"小巴、咁一定容易上都車啦

小巴站就係"大榮華"附近.......

搭左半個鐘就到左村口啦、搵路行去"水塘"

起步又要行斜路唔知要幾耐才到呢?

野菇巧靚........但可能有毒

行完斜路冇耐就到"水塘"現在水塘未滿、所以見唔到有瀑布

我地再行入"家樂徑"行一個圈

行左冇耐就列"竹森"係打卡熱點

行完一個圈落山經過見到有少瀑布浸水地方。

下次再行一定要帶埋泳褲浸一浸消下暑

行行見到佢出來曬太陽

佢好似知道我地影佢咁、擺定姿勢比我地影

佢好似想講影完未?佢要行啦喂

冇耐佢就閃左啦

終於行完"河背水塘"~再搭返"小巴"去元朗再轉入"深井"裕記食燒鵝

今次叫半隻大鵝、因上次全隻食唔晒又唔可以食其它野。

鵝肝食落軟滑~~正呀......蒜蓉蒸茄子巧食.......

疫情下又有糖水送...........飽飽地

今日都行左5公里、同跑友各自回家

我回家休息一陣又出和同事食放題。

八點都左餐廳又要等入座。

話明任食但飲野只可以每人得兩罐、唔係掛。

魚生拼盤又細又唔多、新鮮度唔夠我上次食果間咁好

呢個都唔知乜湯、冇乜味道

呢餐食物麻麻地無下次.........每人$305蚊晤抵食

(06-06-2020)星期六

今日又跑左47分.......狀態麻麻.....跑步第15次

(07-06-2020)星期日

今晚清清地蒸下豆腐鯇魚、蒸蝦食下啦。

(08-06-2020)星期一

放假冇乜野做又落"深水埗"食豬潤麵..........正呀

阿嫂想食西米布甸、咁整多少少帶返公司請同事食啦

原本明日先比阿嫂、突然跑友打電話來口罩到左貨、要

我去地鐵站取貨。咁順便比"西米布甸"阿嫂先.....

然後再約跑友太子站交收.....跟住再去"深水埗"出閘........

咁食埋野先返屋企.......鵝腸、黑柏葉、腩筋撈麵.......巧食

今日好充實、真係由朝食到夜晚在深水埗.........

經過蛋糕店見到出爐、咁買半件原味、半件芝士返屋企慢慢歎

(10-06-2020)星期三

今日下午3"45分先覆診、咁食晏先。又去食"車仔麵"......好食

有跑步磅下有冇肥左先。輕左少少喎.......哈哈

覆診完搭地鐵回家途中、朋友打黎話陪佢今晚食飯、
咁我話可以呀..........約左佐敦"軍記"

原本兩個人、再爹一個朋友黎、咁可以食多D野啦......

朋友話呢度D小菜唔錯呀.........半隻炸子雞.......
食落皮脆肉嫩真係唔錯好食..........

呢碟魚腸蒸蛋好食又唔"溜"........正呀

蒸"花甲"夠鮮味好好食.........真係無介紹錯

呢度疫情下都滿場、又多後生仔、後生女黎食.......

埋單都係$450蚊........價錢合理

(11-06-2020)星期四

今日同明日又要清放年假啦、冇乜野做又去搵野食。
搭地鐵落尖沙咀"亞參"試下佢既"海南雞飯".......

睇賣相真係唔錯呀、要轉雞脾加10蚊、加飲野又加10蚊
雞去晒骨、試下雞先........冇乜雞味既....
再試油飯.......都係冇油飯既味道.........湯又唔夠清甜
而醬汁都係一般...........凍飲又酸過頭........麻麻地

食完飯.......唔知去遑.......咁搭船過中環.........再搭船去長洲行下啦

 今日藍天白雲超好天、又超熱有成32度..........曬死
落左船我知行去邊所以行"左手邊"一直行........唔知行去邊?

一路行經過回修廠、又經過做冰廠、再行又到有人踏單車路徑

途中有沙灘

一直行、行到盡頭又行返轉頭

行到球場之後、又四圍行

行到呢度差不多到碼頭、搭船走人、因太熱啦

(12-06-2020)星期五

放假約跑友食晏、跑友介紹一間食和牛樓上店。

呢度好細只得6個位、營業時間12點至2點半

我叫左和牛燒肉飯、和牛入口即溶........誇張左D......好食架

食完飯各自走人、我搭落紅碪搵下星期五食飯地方、因唔熟路。
搵完食店、經過燒味舖見到懷舊小食、"金錢雞"

咁買少少返屋企今晚同跑友打邊爐前食啦

跑友又買左燒味上黎、咁食完先打邊爐啦

佢地買上黎打邊爐野.........滿足

(13-06-2020)星期六

今日下午掛三號風球、原本行黃昏山.......

咁唔行啦...........直接去食飯啦喂..........