留家隔離~~(第8日至第14日)

(19-07-2020)星期日~~(第八日)

琴晚取左瓶仔今朝10am前要交回、橫掂都要落樓順便買

麥記早餐食啦。冇落樓7日今朝開信箱睇下有冇信、

有2包口罩同一封信可去管理處取50個口罩、抹手紙.......

好耐冇食麥記早餐、珍惜現在有得食、感覺原來係好好食

食完麥記好飽連下午餐都無食......

今晚想食Pizza、好彩未隔離前在759店買左一盒韓國Pizza

焗完賣相唔錯、食落同出面買差不多、只不過蕃茄醬甜左少少啦。

(20-07-2020)星期一~~(第九日)

每朝都準時6點半起身、但現在又唔使返工。唯有在床碌來碌去。

碌到11點先起床。中午泡過杯麵食算啦......

係屋企無所事事、又坐到食晚飯時間啦......蒸雞翼同蒸水蛋又一餐

我每日六點鐘食晚餐、所以食埋飯後甜品都有時間消化

我暫時覺得呢款橙味最好食............

(21-07-2020)星期二~~(第十日)

今日落街買菜同入番D薯片小食解下悶........

買完小食又順便買KFC外賣、好冇無食過啦........好好食

晚餐炒白菜又蒸雞翼..........

(22-07-2020)星期三~~(第十一日)

琴日買今朝當做早餐........今朝上司打來問測試如何?

我話冇收到電話、即我無感染啦...........上司話ok

但他叫我下星期(27號)都唔使返工住、等通知........唔係掛

上司話我住慈雲山係重災區.......公司叫我再休息下......好悶呀

中午又煮簡單D.......烏冬白菜雲吞蝦

琴日買左鯇魚唔記得煮、今晚整豆腐蒸鯇魚、再煎隻荷包蛋。

(23-07-2020)星期四~~(第十二日)

隔離都12日野食餘下都不多、好彩早前買落D麵現在可以

有用場啦..........越南蟹粉

煮時落湯粉見到好似有少少蟹膏喎、食落味道都唔錯。

食完粉再食前晚煲既凍果皮紅豆沙.......清涼

食飽飽又訓下覺....醒左落街買野、今晚煲湯、再買個甜西瓜食

今晚唔想煮。買外賣食、意粉+炸雞+魚肉碗仔翅...........滿足

食完晚餐、煲番個羅宋湯.........慢慢飲

(24-07-2020)星期五~~(第十三日)

羅宋湯要隔左一晚先好飲、中午羅宋湯+熱狗。

每日都是一樣、等時間過等食飯....今晚羅宋湯+煎雞扒、煎蛋

(25-07-2020)星期六~~(第十四日)

今日應該係我隔離最後一日、但公司要我留家多7日......嗚鳴嗚
中午羅宋湯雲吞烏冬...........又一餐

 飯後甜品、食清甜西瓜

悶悶熱熱成個下午、訓又唔係點好呀...........
悶到六點又係食晚餐時間、焗雞翼我鐘意食、羅宋湯泡飯。
飲埋今餐羅宋湯已經飲晒..........

連繼琴晚同今晚"東張西望"都講"重災區慈雲山"成個死城咁.........

留家隔離14日

(12-07-2020)星期日~~(隔離第一日)

琴晚好似聽到收音機話我住果座大廈有人中左新冠肺炎病毒、

所以我問下同事有冇咁既事!到左今朝同事話有、咁我又落樓

管理員問下有冇人中左、佢話住我樓下幾層仲係同我搭同一組Lift....

咁即報被上司知、佢叫我唔使返工住自我隔離14天啦......

咁就即刻去入貨先、買完一次諗下好似唔夠再落街買多一次。

終於落街三次才算夠14天食糧..........

今日開始計第一日、咁就食好少少啦。拾下蝦、蒸鯇魚 咁又一餐

(13-07-2020)星期一~~(隔離第二日)

今日訓醒都10點幾、又無得落街又無野好做。咁做4分鐘運動啦

開頭諗住好容易姐.......點知做做下開始頂唔住.........索氣啦

做完磅下先........好似輕喎........唔係做一次就輕。

6月份磅過有180磅、今日170磅........可能個磅有問題???

簡單煮個烏冬加琴晚食淨既蝦。

成日係屋企又冇乜好做、訓下覺執下屋..........所以就早D食晚餐

6點早D食D消化.........煎豬扒配蝦加大肉腸、菜.........又一餐

終於今日可以食聞名以久既雪糕........味道幾特別唔錯

(14-07-2020)星期二~~(隔離第三日)

今日早餐食埋同事送比我咸肉粽先...................好食

現在每日既流程、就訓覺食又訓又再食又再.....重複又重複既生活

冇得去日本煮番個蟹柳拉麵食下啦.........

又隔多陣飲下自家制綠豆糖水、解毒消暑

食完無耐又到食晚餐時間啦.............

(15-07-2020)星期三~~(隔離第四日)

今日午餐食簡單D大杯麵加大肉腸

食完訓下覺...........訓醒又煮晚餐.........

今晚食清D木耳蒸雞配白飯..........

(16-07-2020)星期四~~(隔離第五日)

今日午餐最簡單雞蓉罐頭湯加餅乾

 食完就清潔下電焗爐......有4年無抹過啦...........

今日下午都算幾充實..............又到食飯時間啦............

今餐有下午飲淨罐頭湯、蒸雞、焗豆加白飯............

(17-07-2020)星期五~~(隔離第六日)

今日試煎下灣仔碼頭餃食下.................

 味道都可以。

 每日好似坐係監倉咁、訓醒等食飯................

今餐加左蝦仁蒸水蛋、豐富.............

(1807-2020)星期六~~(隔離第七日)

又訓醒又到食中午時間、煮個冬蔭功米粉加烏冬、大肉腸.......

又到晚餐既時間、去到今日我知乜好、求其食飽就算。

雞胸、蝦仁炒飯再加碟紅腰豆~~又一餐、仲有七日完成隔離啦。

食完飯訓左一陣、對面婆婆話我知樓下有人派瓶驗野啦

等左成個禮拜、今晚先派瓶仔驗..........希望唔會中啦

疫情下出街食野

(05-07-2020)星期日

落街買早餐、買完經過商場"本灣水產"超市。

無意中見到"8424"西瓜、腦海中一閃係

邊度見過?記得啦無線"東窗西望"有介紹過話清甜好食。

咁就買個返屋企慢慢歎..........49蚊一個

一切即爆開、皮薄少核、食落真係清甜好食喎

半個切粒雪凍今晚慢慢歎、另一半比阿嫂試下

(07-07-2020)星期二

今日約左跑友去"灣仔"克街試下呢間日式自助石板燒。

近入口放左自助購票、買完票就可以去角位取沙律食。

角位有自助"沙律菜""薯蓉、通粉"白飯"湯"任食任飲

雖然款式不多、但味道唔錯好食。

我點左牛柳400g$145蚊、店員溫馨提示、先食住一件先、
因石板太熱會將牛柳熱到全熟

第一件店員見我切得有點困難、她提示我順紋切會好D

咁第二件就照店員方法切、真係易切同掌握都牛柳熟度、

雖然呢度牛柳不是高級食材、但間中黎食下都好過食"大X樂"

果D牛排餐。呢度仲有送一個放口罩信封、真體貼。

(10-07-2020)星期五

近排香港又有本港感染個案、每日都在增加
連我住既慈雲山屋村都有人感染。.......怕怕怕

唔知點解公司呢兩日仲做推廣派紙巾....
今日仲有意大意雪糕上黎做推廣每人派一球雪糕

我要左薑味、好薑好食

食完冇耐、HR話冇人排隊可以再落去取雪糕食

囉多兩款、上面個款唔記得咩名啦.....但好食

下面係芒果味好好食........yummy

今晚好想食Pizza、所以返屋企附近買炸雞、意粉、Pizza.......正呀

(11-07-2020)

星期六又係我指定動作去"漢發"食豬潤麵.......我鐘意就好專一架

 今日試埋"西爹士"超邪惡既美食、一次過食左一日既熱量。

今日又再買超甜西瓜.......另一半又係比阿嫂食。

雖然話食左全日熱量、但晚夜都要食野架..........

醃左幾日豬扒、今晚要煎黎食...........豬扒酸辣拉麵

但酸辣湯唔掂得個顏色.........但豬扒唔錯因我醃嗎......哈哈哈

.剛聽收音機我住果座好似有2人中左、我可能要在家留14日~~~嗚嗚嗚