(17-09-21)星期三
疫情下少左同朋友共聚、今日趁疫情好D。所以約埋中學同學
一齊聚一聚。今次去誠哥果間歷山酒店食半自助餐。
呢間酒店之前好多投訴食物唔掂連大廚都炒埋。今次黎希望佢地有改善啦
未夠鐘食野又四圍行下影下
半自助餐野食唔多、希望食物質素好食啦
夠鐘食野先、焗蠔味道唔錯
魚生夠新鮮唔錯
食甜品先......咁快食甜品?.........因為甜品太近門口啦
出出入入好容易受感染呀..........所以快Ｄ食.......
D湯好飲
食多件甜品有少少飽添.............
我選既牛扒主角出場啦.........有牛味煎得岩岩好........正呀
好華麗地方可惜受之前食評影響下、今晚只得三四抬客人
希望佢地可以再改善下啦
最後飲碗熱糖水、好飲阮............今日每人$390(以折左)抵食
(18-03-21)星期四
食、食、會呢個星期係咁食.............今晚又再食。
因為我地平時練完跑步都會坐埋一齊食下飯、吹吹水既地方要結業啦
我地己經幫襯左十幾年啦........好唔捨得冇左聚腳地同D美食
煎讓三寶係老闆娘親手煎~~~好食
呢碗湯好好飲、連湯渣都好好食呀
大魚兩味~~~苦瓜炆魚、好食
另一煮法~~~豉汁蒸魚
食埋蒸雞飽晒...........食埋呢餐冇得再食、太可惜呀.........嗚嗚嗚
(19-03-21)星期五
今日放一日大假休息下..........順便約朋友今晚聚一聚
未聚之前去醫院交封信先之後搭巴士去深水埗又食豬潤麵做午餐
食完野搭車返屋企休息下先............三點約埋朋友食下午茶
食完下午茶就去買野啦............
滷水鵝、鵝肝、鵝翼...........巧食
花甲~~又鮮味又好食
碌過海蝦同花甲再碌生菜~~~味道唔錯好食
大家好耐無見暢談左一晚、希望下次快Ｄ再見
(20-03-21)星期六
今日冇去睇早場睇咪訓晏D、訓醒就搭車去觀塘食午餐
食完又搭地鐵去中環行下同搵自家制珍珠飲品
終於搵到呢間店啦.........因電視介紹佢地自家制珍珠
所以黎試下
D珍珠好好食唔錯
(21-03-21)星期日
今日又約左師弟行雷公田、順便同他提早慶祝生日
行左一半路程、就給驚喜師弟同師妹。一個三月、另一個4月生日
所以今日一齊為兩人慶祝生日、佢地仲係夫妻關係添。
行完就搭車去深井食燒鵝啦............
燒鵝脾巧巧食
(23-03-21)星期二
今晚約左阿嫂去銅鑼灣皇室堡稻香打邊爐............
但去到全場無人打邊爐喎
原來抬抬都食$1蚊隻乳鴿同伊麵龍蝦、咁我地又跟食啦
每人一隻乳鴿、巧野味
燉湯好飲
食完龍蝦都飽飽地啦
(24-03-21)星期四
呢幾日頸痛訓得唔好、所以口麻麻哋、午餐食皮蛋瘦肉粥便算....
收工想食酸辣湯、所以去左黃大仙詠藜園
坐底睇睇餐牌、酸辣湯要一窩上、冇散叫....
就叫碗改良牌擔擔麵試下...........辣辣地帶點花生醬同碎肉....幾好食
叫杯洛神花茶解下辣先.......
食完擔擔麵仲可以食多串牛什先.......
(26-03-21)星期五
今日係公司原本我請同事食大x樂炸脾紅豆冰、點知變左部門阿頭請食
(27-03-21)星期六
今日約左跑友食點心放題、經過鵝頸橋見到打小人............
打小人勝天?定人定勝天?
3個人食左22款點心巧飽呀...........食物味道都可以既
每人$144抵食.........如果正價就好貴啦。
食完點心放題巧飽呀要行消化下、同跑友行去金鐘政府大樓睇花展
沿住灣仔長廊行、今日天氣好但又好熱呀
又快到復活節啦
