完成第六次化療藥同標靶藥 / 報告

(09-03-2021)星期二

右手邊係未打化療藥同標靶藥既腫瘤、而左手邊

係打左4次化療藥同標靶藥之後腫瘤縮細左好多啦........

化療藥同標靶藥發揮效果.............

以為今日會打化療藥添.........可惜無位.......明天再來打啦

咁就搭巴士去深水埗漢發食豬潤麵慶祝下.....

漢發加左新機器代替人手派飛仔喎.......抵讚

今日試下紅豆冰好飲........豬潤同豬扒都係咁好食......

(10-03-2021)星期三

今日未去醫院打化療藥前食番一盅兩件.........

今次去另一間飲早茶試下佢地D點心.....點心ok

呢個南乳豬手好好食、入味又淋......正

飲完早茶搭巴士返屋企休息一下先、因下午三點半先去打化療藥

(11-03-2021)星期四

今日又去打第六次標靶藥、但未打之前要食飽飽.......

因要由早上11點吊標靶藥到下午2點半才完成。

所以要食飽少少、糯米雞同叉燒腸粉夠飽肚可頂住先......

吊完標靶藥由醫院行落筲箕灣東大街搵野食

行去食酸辣豬扒米線..........我至愛

食完米線又繼續行。行到去北角又食薑汁豆腐花同煎鍋貼

食完又慢慢行落銅鑼灣等時間夠鐘會合中學同學食飯

越華會未黎食過.........我今日係食、食、食的一日

老火湯、紅蘿白、薯仔、蕃茄豬骨湯........好飲

樣樣食物味道都唔錯..........好食

今餐每人$175蚊抵食