拾拾下團年飯2021 / 第五次打化療藥同吊標靶藥順利完成 / 川龍端記飲茶再行去深井食燒鵝

(10-02-2021)星期三(年二十九)

今朝覺得好肚餓、咁提早搭車落灣仔鵝頸橋熟食中心"九記"

食至愛車仔麵............yummy

哥哥由大陸返黎過新年、所以係年二十九提早食"團年飯"

我同四哥上五哥屋企齊齊拾拾下

海鮮打邊爐最正

零晨兩點幾夜媽媽放煙花唔係掛、點訓???

(11-02-2021)星期四(年三十)

年三十都要去東區醫院抽血..........食麵果檔提早收爐咁就係隔離檔食糯米雞

公司一月裁員、今日有同事自願離職派散水餅

今日年三十夜收三點、搭車返屋企覺肚餓食番個下午茶先

琴晚食左團年飯、今晚煎芋頭糕食下應下節

(12-02-2021)星期五(年初一)

習慣左早起又訓唔番、就落街買早餐同報紙。

年初一

祝牛年快樂＆身體健康＆心想事成

初一無去拜年、咁搭車去九龍灣Mega box行下同食中午飯........

落去九龍灣時收到師妹拜年同話整左羅白糕、羅漢齊比我

羅漢齊仲係熱

咁今晚就煎羅白糕食............巧巧味、多謝師妹

(13-02-2021)星期六(年初二)開年

今日年初二開年、以前阿媽係屋企都會在家食開年飯。

但媽媽仲係護老院、所以簡單D去酒樓兩個人一檯食點心。

琴日買左湯包、今朝煲好先去飲茶。

今晚飲湯同食埋琴晚D羅漢齊當晚餐..........

(14-02-2021)星期日(赤口兼情人節目表)

今日係年初三赤口兼情人節。所以今早落街買報紙兼食早餐、行去彩虹

牛池灣飲中茶但冇開咁又返去荷李活中心"敏華"食早餐

食完早餐行返屋企、途經"志蓮淨苑參觀下"

今晚忍唔住衣櫃D衫亂七八糟、的起心肝執下、全是做比賽既衫、

只著過一次同未開既新衫。

 

(15-02-2021)星期一(年初四)

今日約左師弟、師妹行山兼團拜、未夠鐘食早餐先..........

元朗等齊人去搭小巴但太多人等車、咁唔想浪費時間轉去行南生圍

我第一次行南生圍又未搭過小船渡河。

每次過河要7蚊...........

行完又搭返船渡河食豆腐花同食中午飯

食完午飯去師弟拜年同打麻雀...........之後食盆菜.......

兼同師弟慶祝生日..........

(16-02-2021)星期二(年初五)

今日年初五仲要去醫院睇報告、未夠鐘食個早餐先..........

醫生話腫瘤縮細左一半啦............化療藥同標靶藥有效呀...........

咁同哥哥、阿嫂食魚生慶祝下...........好耐冇食啦

食完野又要返東區醫院繼續打第五次打化療藥順利完成

今日打針有少少問題手臂敏感、我同護士講中午食左魚生

護士罵我............我話下次唔食啦

(17-02-2021)星期三(年初六)

今日11點鐘又要吊標靶藥所以食番個早餐先唔係有排餓啦

今次有新椅坐適服好多

由11點吊標靶藥到下午2:30pm......好肚餓呀........

即搭巴士去深水埗食豬潤麵...........真巧食

今晚又煲下湯補下

(18-02-2021)星期四(年初七)人日

我仲放緊病假、而戲院又重開終於可以去睇早場啦....食番個早餐先......

今日睇神奇女俠1984、睇戲有野送.........爆谷同消毒濕紙巾

睇完戲約師弟飲中茶.............飲完茶四圍行、行到(西營盤)

見到好多壁畫好靚

影完壁畫要搭巴士去跑馬地教長跑班、趁仲有時間買個忌廉包食下、

飲杯紅菜頭蘋果汁先

(19-02-2021)星期五(年初八)

原本今日我係WFH唔使返工架、但政府己經正常開工、所以要返工。

咁咪返公司取封開工利是先、今年有一仟啦喎.........發達啦

年年派一仟蚊咁就好啦.................

(20-02-2021)星期六(年初九)

今日年初九相約跑友到川龍飲早茶、然後行去深井食燒鵝

熱辣辣燒鵝脾巧巧味又巧食

食完燒鵝又落巴士到深水埗轉車返屋企、但順便食碗飯後糖水先啦

芋圓、地瓜圓、仙草、小丸子、紅豆粒、西米配糖水及花奶、再加埋桃膠

芋圓煙煙勒勒巧巧食、但凍D仲好食。