第四次打化療藥同吊標靶藥順利完成

 (24-01-2021)星期日

係759買左Pizza..........今日焗黎當下午茶食...........

今晚焗雞扒配拾薯仔、福花、菇又一餐

(25-01-2021)星期一

今日下午3點45又要去東區醫院打第四次化療藥...........

所以我早D出去行下先去啦...............

11點搭巴士去九龍灣行去觀塘碼頭食午飯

又去觀塘熟食中心拿督食晏

今日試食雞扒黑豉油干撈粗..........好鬼大碟、食得好飽

不過撈麵D黑豉油無乜味只得掛色、雞扒少少乾.......我焗雞扒好食D

食完晏搭船西灣河、然後行去太古城行下、之後搭巴士到東區醫院

打化療藥唔使10分鐘

打完去食番個下午茶先啦喂

手掌咁大既巨型魚柳包...........食完巧飽呀、33蚊包野飲抵食

(26-01-2021)星期二

今日朝早要11點要到東區醫院吊標靶藥。

所以搭巴士去鵝頸橋街市熟食中心"九記"食車仔麵

11點開始吊標靶藥到下午2點半...........好肚餓呀

搭地鐵去上環站搵野食..........

行去皇后街熟食市場"曾記"食棵

我叫左2個韭菜棵同1個蘿蔔棵要煎先好食架..........好食

現在加到7蚊雞啦...............

食完小食行下去睇臘味店有乜野買先......

鴨潤腸好似唔錯喎、仲香港制造

睇完臘味又去食今日晚餐因今晚要去跑馬地教班

呢間出名食豬什、但今日買淨得豬干、豬耳、豬肚三樣...........好食呀

食完豬什河粉、肚仲有少少位去埋"正街"源記依糖水

叫番碗"合桃露蓮子、我要補下腦呀...........哈哈哈

食完甜品行去臘味店買番一斤鴨潤腸

然後搭巴士去跑馬地教長跑班............

(27-01-2021)星期三

今晚煮簡單D..........鴨胸配福花、薯仔、烚蛋又一餐

買左2件鴨胸所以明天再整鴨胸配咖喱汁意粉福花......

(29-01-2021)星期五

今晚去左SoGo買左新跑鞋、等天氣冇咁凍會開始練跑...........

我寧願死於跑場都不願死於病床上。

近一個月己經買左三對跑鞋啦...............

(30-01-2021)星期六

今早搭巴士去中環離島碼頭搭船過坪洲半日遊........未夠鐘食個麥噹噹早餐先

中環到坪洲原來都唔使半個鐘就到.............我好似第一次黎

呢度D街坊都鐘意係街頭做運動喎...........

呢度D遊艇四圍泊位架

呢度好靜又寫意........我鐘意既生活

行都差不多要食野啦、就去搵出名蝦多士食..........睇落唔錯。

但食落D蝦太少啦.........如果多D蝦肉就好。

快閃完坪洲、搭船返香港啦..........

然後過旺角買手切牛肉今晚打邊爐食飽飽........

下星期一要照X-光啦...............

(01-02-2021)星期一

今日下午3點要做X-光掃描、原本我下午請左半日假、但公司有WFH

所以我上午WFH唔使返工。

咁11點搭巴士去九龍灣、然後行去觀塘碼頭。今日要照之前4個鐘要空肚。

所以無得去觀塘碼頭熟食中心食野呀。

搭船過西灣河、然後搭巴士去東區醫院

終於完成掃描啦...........2月16日年初五睇報告、就知道腫瘤有冇縮細

報告未知先醫肚先......好肚餓呀..........搭巴士去深水埗

今日唔使排隊就入得.............豬潤麵、豬扒........正呀

食完豬潤麵又四圍行下...........行到合益泰小食..........咁又食下

真係好好食呀............

今晚煮蕃薯糖水啦

(04-02-2021)星期四

今晚整簡單D晚餐.................

(05-02-2021)星期五

今晚去師妹屋企提早食團年飯...........yummy

仲有蒸魚無影、凍食辣豬手愛鐘意食......

師妹比既新品種和橙、唔知味道如何呢?

(06-02-2021)星期六

今早起身有點肚餓即換衫落街行去彩虹飲早茶"一盅兩件"

懷舊鵪鶉燒賣好耐無食啦.........正

飲完早茶又繼續行去觀塘買零食

今晚煎埋醃左幾日豬扒食先............

師弟送既炸角仔、好耐無食過啦..........

提早祝妳牛年快樂＆情人節快樂。