(12-09-21)星期日
今早落街買報紙、然後返屋企煮早餐食...........
今日好鬼熱唔想出街買野食．就焗埋雪櫃最後一個Pizza
明天要去759睇下有返貨先.........有就入番三、四個Pizza
出面咁熱留家開冷氣歎下同賭下馬仔..........下午茶食懶人杯麵
今日D馬仔難搞.........晚餐焗埋最後一塊雞扒食........
明天開始又連續三日去東區醫院覆診．洗傷口、打標靶啦。
希望呢幾日唔好落雨啦..............
(13-09-21)星期一
今日一早出街去東區抽血、好彩天氣唔錯冇落雨不過就熱辣辣、
７點已經到左柴灣地鐵站．時間未夠鐘又去食車仔麵先.........正
體重又快升到以前啦.........
抽完血搭小巴士到116總站搭巴士回家．
見到隻貓懶洋洋找痕........
被貓發現我望住佢．佢就惡死盯住我.......
巴士返到屋企附近麥噹噹、時間又到食下午飯啦..........正呀
肥番．就要食番清清地先.........粥加XO醬炒腸粉.......
(14-09-21)星期二
今朝早要去覆診、未夠鐘又食過早餐先.....
平時食開果間今日無開.........
今日由早上11點等到差不多下午1點半先見到醫生
有好消息我唔使再打標靶啦.......
壞消息可能要做電療、因腫瘤長大了壓住血管.......
見完醫生又要去洗傷口..........
樣樣搞掂又搭小巴去116總站.....未有巴士就在對面
麥噹噹食過下午茶先啦..........
今日阿嫂陪我聽報告同見醫生.......
阿嫂仲煲左涼茶比我.........好飲
晚餐~~食埋琴晚煲多左既粥、焗三文魚、雞胸、芥蘭又一餐。
今日點知典解咁肚餓、我要食宵夜杯麵...........
(15-09-21)星期三
原本今日可以留家休息下、可惜包大脾紗布鬆左所以要返醫院。
咁食完炒腸粉、9點打電話比骨科。
食埋午飯就搭小巴去東區醫院
包紮好大脾傷口又搭車去Aeon超市行下......買完牛扒同鴨胸、螺肉。
就順便行去Mos Cafe食下午茶.......咁岩又遇到我教既長跑學員。
晚餐~煮簡單Ｄ水餃、芥蘭同第一次食既蕎麥蝦子麵、仲有螺肉。
我係自助餐見到螺肉一定食呀........巧食。
(16-09-21)星期四
今朝早整快熟通粉食..........
原本洗完被單就落街買野．點知天黑黑落大雨。
咁就唔出街啦.......下午就簡單Ｄ食杯麵同昨日買既鴨胸。
今日將軍澳果邊落冰雹.......天氣變了....我住呢邊就停雨。
咁就落街買野.......順便去"吉野家"食下午茶.......加多隻"溫泉蛋"
晚餐~~煮簡單Ｄ波菜配牛扒
(17-09-21)星期五
今早整簡單早餐、即食麥皮.............
趁今日陽光普照、就搭巴士去Mega Box行下睇有咩好買啦
Mega Box對面"零炭天地"有好多中秋裝飾"小白兔"
係Aeon行左一圈都冇乜野買．又係夠鐘食中午飯啦.......
呢碟咖哩汁甜甜地.........我就麻麻哋.........豬扒炸得乾乾地
呢間麵包鋪係我中學畢業後曾經做過學徒架....佢地整Ｄ麵包好食呀
所以我現在間中都有買黎食．今日買兩個做下午茶。
今晚食得豐富Ｄ...........yummy
(18-09-21)星期六
跑友約我在北角鳳城酒家飲早荼.............
點心好快全部上晒檯幾壯觀............
現在好少地方見到有龍既裝飾、只有老店先才有。
只有呢度Ｄ灌湯餃一盅有兩隻..........
正宗灌湯餃包都實唔會漏湯..........正呀
食完點心、試下佢地Ｄ生腸得唔得、食落軟淋淋唔好食。
都係以前旺角鳳城Ｄ生腸好食Ｄ.........
飲完茶同跑友行去北角匯一田睇下野..........
我買左100g迷你檸檬包仔..........檸檬餡好甜下
同跑友齊齊買臭草回家煲"綠豆海帶臭草糖水".........
又夠鐘食下午茶啦...............
晚餐~~煎雞翼我鐘意食.......yummy
飯後甜品自家制"綠豆海帶臭草糖水"..........起晒沙巧食
(19-09-21)星期日
今日又約左中學同學飲早茶吹吹水...............
下午又整水餃同麵當下午茶...........
今晚煮簡單Ｄ.........煎三文魚、蘆筍．蝦子麵.............又一餐
(20-09-21)星期一
今日應該比較忙少少啦........朝早9點半要去"賽馬會診所"仲要空肚抽血
抽完血即去食早餐醫肚............
今日抽完血仲要下午3點半洗傷口...........但時間仲有幾個鐘.......
最佳打發時間就係睇場戲............好彩呢套戲片長有2個半鐘
睇完戲都係下午１點半仲未夠鐘洗傷口、咁食番個午餐先........
去左Mos Cafe食晏．原來佢地有飯食..........咁就試下啦.........
洗完傷口就搭地鐵去觀塘、因耳筒有少少問題要維修........
去完耳筒維修中心就四圍行下..........
其實阿嫂約我和另一位哥哥在觀塘食中秋飯
所以今日咪順便籮耳筒黎觀塘維修啦..........
辣雞煲唔錯但唔夠辣
魚生都OK
龍蝦新鮮彈牙......
其它食物都OK..........
(21-09-21)星期二(中秋節快樂)
今日中秋正日、我仲未去"八仙餅家"買月秋
所以今早提起心肝搭巴士去"深水埗"......
終於到在八仙餅家啦............
嘩........正日黎買月餅咁平$100蚊任選3個...........超抵
我買左"雙黃白蓮蓉"、"金華火腿月"、"齊五仁月"
買月餅就行去"漢發麵家"食豬潤麵.........巧食
食完麵就搭巴士回屋企商場"剪頭髮".....好彩到左商場先落大雨
剪完髮買完野、就係街市買碗粥當午餐...........
晚餐~~蒸鯇魚、煎隻蛋、蘆筍又一餐.........
(22-09-21)星期三(追月)
朝早食番角"金華火腿月"當早餐先...........
咁大個仔都未食過、味道都可以接受。
朝早收到中學同學電話、問我得閒出來食個午餐嗎?
我話可以呀...........因我推女同學幾次..........
原來女同學帶我去食半自助餐............正
沙律區
甜品區
我order既鱸魚柳
女同學order既豬柳、兩個都好食.............
多謝女同學陪我兼請我食午餐....................
食完午餐、話咁快又到晚餐啦..............
宵夜~~試食"齊五仁"味道都ok既。
(23-09-21)星期四(秋分)
今日零晨二3點起左身好想食野、咁淥個杯麵食下。
午餐~焗雞翼．烚菜心、水餃、烏冬又一餐。
跑友今晚約我去灣仔"大榮華酒家"食飯............
早前隻左腳仲係腫著唔都跑鞋、今日終於著都了.............WOW
搭緊巴士已經開始微雨．好彩我到左"集成"才落大雨。
咁食飯時間未到就去麥噹噹食個"下午茶"先
肥滔介紹既"炸龍躉皮"~~~夠香口好食、送酒仲一流
呢半隻滷水鵝又係肥滔介紹架、味道都唔錯
今晚條魚蒸得岩岩好、夠滑................正
馬拉糕好食．食咁多每人都係$80蚊抵食呀.........
每次都有老細包底.................
(24-09-21)星期五
琴晚買既麵包今朝烘底加牛油~~早餐
食過早餐再休息一陣九點落街買報紙同去街市買菜、鯇魚同豆腐
午餐~~烚芥蘭、蒸豆腐、鯇魚又一餐。
係"佳寶"買左急凍豬手．下午炆花生豬手........
晚餐~~炆花生豬手、烚芥蘭...........正呀
等比豬手阿嫂．時間未夠鐘去麥噹噹食番個餐當"宵夜"啦
(25-09-21)星期六
琴晚煲好D粥．今朝有得食。再炒碟腸粉添......咁今朝豐富早餐
前兩日解凍好既三文魚同醃好既雞柳要食啦.....
所以焗黎食再炒三條腸粉當午餐。
下午茶~食埋琴日煲既粥...........yummy
晚餐~~又食埋琴日炆既豬手..........巧食
