回家養傷的日子(8)

 (23-10-21)星期六

今朝約左跑友係北角鳳城歎早茶吹下水........叫到成枱點心．正呀

每次黎都叫"灌湯餃"、因現在茶樓都做唔都原隻"灌湯餃"

其它茶樓多數做"湯餃"...........我鐘意食"灌湯餃"多Ｄ.....巧食

我地傾下傾下又到11點半食中午飯時間、咁又叫個飯食下....

叫左個套餐"鳳城炒飯加清炒時菜".......個炒飯好食

再叫多個懷舊小食"蝦多士"........味道唔錯好食.....

食完飯各人各散東西、但我同另一跑友去酒店取房

是為明日渣打馬拉松比賽。但我地早去未有房要等下午4點才有房

咁就去附近Starbucks飲下野等夠鐘啦

夠鐘去取房、上房休息一陣、然後去食晚餐。

約埋左另兩位跑友一齊去食晚飯.......去左清風街食印度咖哩。

叫左幾款咖喱、但款款都差不多樣.........咖哩都幾好食...

食飽飽返酒店休息為明日渣打馬拉松做準備。

(24-10-21)星期日(渣打馬拉松比賽)

今朝早6點到達維園終點做準備迎接跑手衝線..........

我隊Team負責"半馬同全馬"組別頭三名跑手派得獎牌.....

早上9點15分我負責既工作順利完成.........返酒店休息一陣

11點半約左朋友又去筲箕湾"明星金閣"飲茶........

飲完茶搭巴士返屋企休息..........訓醒都食晚餐時間、

但我懶煮就淥個杯麵就算咁一餐.............

(25-10-21)星期一

今朝忙Ｄ因要去東區醫院抽血、然後又再去筲箕湾賽馬會洗傷口。

未夠鐘抽血先食過豐富早餐...........

搞掂所有野返公司交保險表格.........然後搭巴士去新浦崗食晏

去左Mikiki商場新開"十三姨"食"酸菜魚".......味道OK...

食完午餐又返屋企休息下.........秋風起易睡覺.......

訓醒又到食晚餐時間、煮帶子、水餃出前一丁又一餐。

(26-10-21)星期二

今日下午3:45pm又要去覆診．所以有好多時間。

搭巴士去鵝頸橋熟食中心"海記"食燒鴨脾拼咖哩牛腩。

食完午飯就去東區醫生覆診.............

覆完診取埋藥都6點半．咁同阿嫂搭巴士去尖沙咀皇家太平洋酒店

沙嗲軒食海南雞飯同喇沙

上網睇openrice都好多人Like呢間Ｄ野食、所以黎試下。

阿嫂睇過餐牌都係套餐抵食D.........

胡椒大蝦~~好食

五香腐皮豬肉卷~~夠趣口

椰汁咖哩海鮮油麵~~味道唔錯

加$28蚊~~鹹檸檬七喜

海南雞飯~~油飯味道唔錯但Ｄ飯就硬左D、雞唔夠滑。

加多個雜錦沙嗲$138有２串雞肉、２串豬肉．２串牛肉....配沙嗲醬巧食

送既糖水巧巧食.........今餐$761.......我請........

食完飯行去"戲曲中心"柯士甸站搭地鐵回家

入面幾靚幾壯觀..........

(27-10-21)星期三

今日訓晏左無食早餐..........咁搭小巴落再去新浦崗

Mikiki商場因上次食過"十三姨"今次試下"亞金"肉骨茶.........

因兩間店係黐埋一齊大家互通可以點另一間野食......得意

因琴日食完"海南雞飯"同"叻沙"所以試下"肉骨茶".......

今日試"細滲"個湯好香有藥材味．飲落好飲我接受都.....

湯裡面有好多料、一字骨、腩肉、豬手、豬肚．雞脚......巧飽

半價可以加特飲.......椰汁紅豆冰

呢排出街食野．今晚煮Ｄ簡單Ｄ淥芥籣、水餃、帶子又一餐。

(28-10-21)星期四

近排好懶少食早餐又多出街食野．所以琴晚煲定D粥清下腸胃。

食完粥又訓番、訓醒差不多11點半........今日約左小學同學

係九龍城食晏。原本同學想食清真牛肉餅點知去到又搬左

以為無再做．咁就去搵其它餐廳............我地轉去W..Burger

餐湯ok........漢寶包都好食

同學仔又叫多個炸薯條.......趣口好食

九龍城南角道5號地鋪宋皇臺站B2出口

食完包搭地鐵回家．順便睇下遺粹............

到鑽石山站上去"荷李活商場"交電話費、順便買明早戲飛

同去"唐記包點"買埋"排骨鳳爪飯($21.8抵食)......等晏Ｄ當晚餐。

(29-10-21)星期五

琴日買左早場戱飛今日睇........係"敏華冰室"食過早餐先。

部戲同睇電視劇一樣無乜驚喜

睇完戲趕落九龍灣"美心皇宮"會師弟．師妹飲早茶吹吹水

近排出街食多左Ｄ、晚餐要清番Ｄ先.............

(30-10-21)星期六

今日約左跑友由"荃灣碼頭"行入"深井"食燒鵝.........

未行之前去"煌府"飲早茶食飽飽先有力行..............

食飽左行去"荃灣碼頭"起步

沿途都見"癲噹公仔"

等我載妳一程啦

澳門金光飛航船泊左係呢度

終於行到啦用左2小時9分...........我脚累了

又到"裕記大飯店"

熱辣辣燒鵝巧巧食.......

食完燒鵝返屋企休息一陣．我又趕去尖沙咀會以前舊同事聚會

我地约左厚福街8H~2樓"Espuma"......但未夠鐘食下野先........

咁岩肥姐仔仔~~肥仔小食就係厚福街、食個皇牌先.....好食

食完小食夠鐘上去會合舊同事..........Espuma係食西班牙野

呢個幾特别既意粉係一粒粒呀~~~幾有創意

士多啤梨特飲沙冰巧巧飲

西班牙大鑊飯Ｄ飯硬左Ｄ

德國豬手巧食

呢度枱枱都有叫既甜品~~yummy

呢款枱枱都叫棉花糖........童年時常食

有我鐘意窩夫仲係心型添........

(31-10-21)星期日

現在秋風起凉浸浸、懶在床唔想起身所以冇食早餐。

訓醒都10點幾處理晒其它東西同洗完面又落街買報紙。

又去吉野家食野．早餐同午餐一齊食啦。

食完野去"麥噹噹'買炸雞、等晏Ｄ當下午茶。

係屋企估下馬仔、又唔想出街食........淥個杯麵當晚餐又一餐

(01-11-21)星期一

今日師弟、師妹約左我在新浦崗食中午、但變左食下午茶...........

因師妹還有工作要處理............

今餐師弟請...........多謝師弟

有位師妹今朝學整饅頭、她整三眼仔同龍貓都好可愛......

她送比我咁靚唔敢食喎.........多謝師妹

另兩個師妹就送左(百年老店)蝦子麵比我試下..........

佢地話巧巧食、咁又試下.............多謝師妹

咁靚既饅頭真係唔捨得食呀...........但唔食點知巧唔巧食呢?

今晚就當晚餐食晒佢............

食落唔甜巧食、不用落煉奶一齊食~~~巧巧食

(02-11-21)星期二

今朝又去賽馬會洗傷口、但未洗傷口前約左師妹食早餐。

同順便羅Ｄ整野食工具比她.......

洗完傷口搭巴士返屋企附近商場行下．行到差不多又到

食中午時間、去左KFC食椒鹽雞套餐~~食左飯同蛋撻有D

飽飽地、可能朝早食左全日早餐未消化完。

咁炸雞打包回家當下午茶啦。

又到下午茶時間食埋椒鹽炸雞~~幾好食喎。

食完炸雞飽飽地想訓下．醒番又到食晚餐時間。

煮琴日師妹既蕃茄蝦子麵、雲吞、芥籣又一餐。

(03-11-21)星期三

琴日睇面書介紹九龍城美食、所以今朝搭巴士去九龍城搵美食

九龍城街市熟食中心"樂園咖啡"食"沙爹西多士"同飲"鴛鴦紅豆冰"

鴛鴦紅豆冰飲落特别、但我鐘意原味紅豆冰多Ｄ

沙爹西多士食落幾特别、咸咸甜甜。不過食唔出沙爹既味道

下次試食另款沙爹。

食完野四圍行、行到呢間德興魚蛋、買左Ｄ魚頭片返屋企慢慢食

買完野行去搭車返屋企、經過呢間潮州店

見到店裡面有炸魚皮賣．又買黎試下

用黃鱔皮炸．食落脆口好食、打邊爐最好食.....

係九龍城搭巴士返屋企商場中心剪髮．然後行去呢間"阿肥美食"

買外賣"香茅豬扒飯"

"香茅豬扒飯"有兩件豬扒．豬扒有少少乾但都０Ｋ架.....

我食唔晒留番一半夜晚再食.........

食完中午飯、冲過身同洗頭、再休息一陣............訓醒都6點

晚餐~~蒸熱Ｄ飯同豬扒再淥幾條芥籣又一餐。

(04-11-21)星期四

今日唔願起身一路訓到12點、起身覺肚餓。煮個蝦子麵

淥芥籣、水餃同魚頭片..............

今日無出街留家休息、食完中午又訓一陣先。日日如事．好悶的生活。

訓醒又到食晚餐既時候、煮公仔麵、水餃、魚頭片、芥籣又一餐。

(05-11-21)星期五

今朝又去賽馬會洗傷口但未夠鐘前去"翠華"食過早餐先.......

洗完傷口諗住過紅磡食海南雞飯．但突然人有三急(開大)

即搭巴士去Aeon商場解決.............舒服晒

咁順便買個麵包同Muffin.........

買完包搭106去紅磡食海南雞飯、嘩~~未到12點已經有人排隊啦。

超多人排隊買外賣．但等羅外賣都要45分鐘才有。

入裡面食我都要等大約15分鐘才有位

終於入座啦...........先黎碗椰子湯．好飲

叫左"海南雞椰香喇沙"同加多碗"油飯"...........

我想一次試晒兩樣美食．因太多人排隊啦...........

油飯~~好有雞油香、飯又軟．好食過"皇家太平洋"過Ｄ飯~

雞好食又夠滑．正.....喇沙~我選"銀針粉"夠特別、湯好味~~正

下次試其它美食...............

今日都好熱下、返到屋企都出晒汗......

下午茶食過Muffin

食完下午茶又訓陣先..........訓醒又到食晚餐時候.............

今日食左咁多野、食蕎麥麵清清地又一餐。