永利軒(澳門Day 2 ~~ Part 1)

(30-11-13)星期六~~~今日朝早好鬼凍、瞓係張床都唔願郁呀

但係今晚又要去教班呢~~~~好凍

(25-11-13)星期一........兩個星期前已經訂咗"永利軒"飲早茶.

但其他人嚟唔到、只有我一個人嚟飲啦~~~不過、現在有變啦.

原來有位跑友返咗澳門探家姐、而他又係星期一才返香港.

咁咪約埋佢一齊飲茶啦

嚟"永利軒"飲茶、記得早d訂位呀~~~walk in一定冇得飲茶

嚟飲茶的原因、都係為咗呢條水晶龍。不過、呢度d點心都好好食呀.

早訂位可以在係水晶龍腳下、我約咗11點等、但等到11點半都唔見人、
而我打佢電話又唔通~~咁我一個人飲啦.我原本想點套餐$188果款.
但得我一個人、所以散叫點心、剛點完跑友又趕到啦~~

蝦餃好好食~~~好食過香港d名酒家多多聲、不過都貴.

其實、呢碟點心攞時.我同侍應講冇叫炸両喎~~叫她拿走

但見她被部長罵時.我叫她放低.再叫番我想叫嘅點心

侍應話呢個"金蝦春卷腸"、有好多人點架。我睇好似炸両冇乜特別喎

原來裡面包住d蝦肉、食落又好好吃~~~正

呢個"松茸鮮蝦腸粉"是我剛才想點的點心..........味道都唔錯好食

嚟過澳門N咁多次都冇發覺到攞身分證明局、原來係桑拿浴室對面。

牛記咖哩美食 / 懷舊老街 / 明記牛什美食(澳門Day 1 ~~~ Part 2)

(27-11-13)星期三~~~~今日又係好得閒冇乜嘢做、又坐係公司休息一下......

剛係美食節食飽飽~~~跟住搭巴士去表姊屋企附近比相表姊個囡囡.

然後,就行去關口過關去拱北按摩、但行都一半,天突然黑晒

所以急急腳行去,好彩剛行入到裡面即"落狗糞"

又好彩出咗關、又冇咁大雨喎

按完摩6點鐘,就返過澳門食嘢~過咗關口緊係搭賭場巴士去揾嘢食啦

我就選咗十六浦巴士去"十月初五街"~~~我原本先食街邊果間"豬骨粥"

可惜無開、咁就去"牛記咖哩美食"吃"蟹皇撈麵"啦喂

"蟹皇撈麵"好耐冇食過、都係咁好食。不過、叮得唔夠熱。

食完行去"懷舊老街"睇睇

雖然地方唔大,但都有風味

用糖畫嘅龍頭

行過少少、就係買麥芽糖夾餅同七彩大菜糕蛋.我緊係買嚟食啦
有番d童年回憶~~~

一邊行一邊食~~~~行行下行到"明記牛什美食"~~好多人圍住檔口

我又圍埋一份,排隊買牛什食~買咗一串牛膀,現在要$10蚊加咗$3蚊喎

味道都咁好食。

行去噴水池見到開始飾聖誕樹、但係未裝個聖誕樹頂喎.

棵聖誕樹都好高呀

岳敏君偶像裝造 / 第13屆澳門美食節(澳門Day 1 ~~ Part 1)

 (26-11-13)星期二.........我放完假返工,公司今日無乜嘢做.所以係公司休息下.

星期日過咗澳門~~~原本今次同朋友去、但臨時講有事.所以只得我一個人去.

無所謂啦~~~~我都習慣咗一個人.今次咪順便攞番d相比表姊啦.......

落咗船即刻搭巴士去藝術博物館睇岳敏君偶像裝造~~~星期日免費入場

平日要收葡幣5蚊~~~我都唔知岳敏君畫笑面、是否代表苦笑............

又或者代表某些人~~~人常在笑、誰又笑得真~~~~

 呢幅主題~~~好似叫袖手傍觀、所以我覺得是"苦笑"

 睇完展覽~~~又搭巴士去澳門美食節,因為今日是最後一日.

 原來澳門美食節要三點才開,所以去觀光塔參觀下同睇人跳塔

嘩~~~跳塔要$二千幾或三千幾咁貴,跳得起、一定係有錢人.

原來音樂跳豆咖啡室係呢度有

地庫都有嘢食,不過好貴喎

 行咗一陣、話咁快又到三點鐘、行過去入場睇下有乜嘢食

 

 入到嚟四周圍睇睇下、有咩嘢食先~~~

 最後一日、$10蚊一隻呀~但咁平、我唔夠擔食~如果食完肚疴咪死啦

買$100現金代用卷、就送一張紅酒優惠卷、免費飲紅酒

 印度魚蛋都ok

 即刻再食牛雜~~~牛雜一般、我食咗少少,己經冇再食啦

 呢款巴馬批好好食

 呢支紅酒、啱我飲.所以買咗一支帶返香港

 又試下韓國餃子~~~~味道ok

 今日上"希慎中心"睇嘢~~~見到三係長裙幾特別、

尤其是圓點裙