龍朝酒家(任點任食)佐敦

(15-11-13)星期五~~~今日朋友同我講25號可能去唔到澳門啦.

我就同佢講下次、咁我咪冇得食自助餐?嗚、嗚、嗚

公司要我哋清假,所以今日請咗下午半日假.原本想去跑步,但提唔起勁去.

咁樣我咪可以約跑友去飲(任點任食)下午茶.啦~~哈、哈、哈

 琴晚清理舊雜誌時,睇到有(任點任食)下午茶、不過要過九龍

無所謂啦、為咗食.而且我又未夠鐘去教班、我食完仲可以行多一陣.

我收1點,嚟到啱啱好派號碼同點心紙.上面係任食紙、下面係要比錢.

夠鐘入座、跑友未嚟,但我肚餓啦、所以一坐底即order點心.

等再一陣,先嚟流沙包,趁佢熱辣辣即食,味道可以.跑友又剛到.

 暫時樣樣點心都算ok,而燒賣就味道唔錯好食

 食完第一輪、又再order未食過嘅點心.呢度order紙上面,每次take 1嘅話,

點心只得2粒或2個,免得你狂點食唔晒變浪費食物.所以每碟得少少.

 睇下碟大大隻,嘢食少少.咁都啱,唔使做大晒鬼

 咕嚕肉味道唔錯、好食~~~~因為是我的至愛,而佢整得醬汁唔會太酸

味道啱我食

 我諗住佢哋d麵都係細細碟、所以take 2.點知嚟到大大碟.

足夠四個人食~~~好彩整得好食

又食完第二輪~~~再order第三輪、跑友話好飽,我就講最後order啦

其實,我都有少許飽,不過都可以食多少少. 

我食埋嚟三樣嘢,己經食飽飽啦~~~~不過仲有點心嚟呀.

 我真係好飽啦~~~開頭諗住仲可以食、但食埋碗米線同埋星州炒米,

我己經食唔落啦~我又估錯咗"星州炒米"會係細細碟.但又係足夠四個人食

 呢度d點心,講好好食又唔係,但味道算ok啦,我哋食咁多嘢.

埋單都係$147,每人$73.5.算抵食.~~~