蛇宴(深水埗)

(3-11-13)星期日~~~~踏入11月份,天氣開始涼,又係啱食"蛇"啦.

跑友早前去學推拿,順其自然都會入公會.而到食蛇時侯,公會都會搞"蛇宴"

所以跑友問我去唔去,我話減緊肥喎~~~~佢又話又唔係成日食

我我我~~~咁又係............食埋呢餐先講啦

 果日約好8點鐘係公會等~~~~~我工人放假,又要做大廚.煮飯煮餸.

整好叫呀哥開枱同呀媽食~~~而我就趕去食蛇.......

 我準時8點鐘到,公會已經坐滿人,呢度開咗17席.所以坐得好貼身.

果日仲有抽獎添.........呢d脆卜卜用來送"蛇羹".......最正

 等咗一陣,"蛇羹"出場~~~呢度"蛇羹"有三大鍋,比其它公會多一鍋架

"蛇羹"好足料,比外面好食好多.........正

 鮮竹五蛇卷~~~第一次係"蛇宴"食,味道OK.其實現在"蛇宴"D菜式

已經改變咗好多,冇晒傳統菜式啦.............

 紅棗香粟扣全鴨~~~嘩,蛇宴都有呢D菜式,整呢個餸,好花時間,

因為要釀D粟子同冬菇入鴨肚裡面,然後嚟去炆..........

現時粟子當造,所以好甜,而廚師整得又淋又好食...............正

 陳皮豉汁蒸河鮮~~~~蒸得過火,鞋咗d.........以前用"水魚"整架

 淮杞烏雞響螺燉三蛇湯~~~個名好長呀~~~d湯又濃又足料,巧巧飲

椒鹽焗中蝦~~~~夠野味好食 

 枝竹羊腩煲~~~羊腩太少啦,又唔夠肥.

 蛇湯浸時蔬~~~ok

 臘味糯米飯~~~整得又唔會太淋,而糯米飯軟硬適中,整得好味又好食.

呢度d蛇宴唔錯,價錢又平,會員價都係$165蚊~~~下年有機會再嚟食過.