雪園 / 合益泰小食 / 武、藝、人生、李小龍

(03-01-14)星期五~~~今日中午為同事慶祝生日、所以

選擇附近酒家食飯。今次再選嚟雪園。因為上次都嚟食過

、大家覺得呢間d嘢食都唔錯同好食。

我哋今次選咗2個4位套餐同叫咗上海粗炒麵、

炒飯。仲有小籠包4隻、雲吞燉雞湯4盅

因為我哋有12人嗎

今日無影相、因為無乜特別嘢食。總之味道巧食、而我又食

得飽飽、因為我哋d女仕比較細食、咪益晒我同另一位男同事啦。

食完飯、壽星女講請食糖水呀~~~正

下午出完街返公司、糖水己經到咗啦~~~芒果奶昔雙皮奶

我鐘意、每次叫聰嫂糖水都食佢~~正

(05-01-14)星期日~~~同跑友飲完茶、過深水埗睇下嘢。

睇完嘢、口痕去咗合益泰食腸粉同蘿白。每次過深水埗都嚟食。

 今日嚟到、見門口排晒隊。我以為要等好耐才有得食、原來店裡面唔使等

好耐。其實排隊係買外賣腸粉炸。

 食完滑溜腸粉~~~就搭港鐵入沙田睇武、藝、人生、李小龍。

 佢係我偶像之一。其實佢真係好有型。佢仲係一位有情有義又

孝順的人。佢堅持自已夢想、才有今事今日的截拳道。

 睇完李小龍返嚟沙田公園、見到好靚嘅美景。