曾記棵 / 富臨酒家 / 科記咖啡餐廳

(09-01-14)星期四~~~今日約咗跑友係沙田食晚飯、所以無食都lunch。

但係、下午有嘢去中環、去得中環我順便行去皇后街熟食市場區。

雖然諗住留肚、不過我忍唔住都係去食我鐘意嘅韮菜棵啦

我叫咗兩個韮菜棵、一個蘿白棵要煎嘅。如果唔想食煎、

就咁買一個食就得。如果要煎就要買三個先有交貿啦。

食完煎棵、見人買呢種甜棵。而我又買番個嚟試下。而呢個甜棵

叫"芝麻綠豆"佢仲有用咗腐皮做底~~~咁樣一齊食都幾得意。巧食

我公司樓下商場嘅新春裝飾"年年有魚"

我哋約咗8點半係沙田"富臨酒家"食晚飯、呢間酒家就係沙田泳池對面。

可能酒家同沙田中心較遠、所以呢度晚夜比較少人。

不過靜靜地啱我哋傾下計。

今日女跑友帶咗佢浸嘅"桑子酒"、桑子好食我就知用嚟浸酒第一次見。

我雖然唔識飲酒都試少少、味道甜甜地好飲過紅酒。

"龍蝦芝士伊麵"係特價$98、咁抵叫咗兩碟、所以才有咁大煲、巧食

最後叫咗"益力多糕"同南瓜露、"益力多糕"食落無乜益力多味喎一般

飯後生果係送嘅、呢間d嘢食味道都唔錯、又大碟。

(10-01-14)星期五~~~我一早就要去中環攞嘢、做完嘢就和同事

去咗上環荷李活道200號~~科記咖啡餐廳食豬扒飯。

呢度d豬扒醃得好入味、巧巧食。不過就貴咗d要$48連熱飲。

(11-01-14)星期六~~~今日有要兩邊走去教班啦、四點係跑馬地未教前
見到草地上有少少彩虹出現。