肥姐小食店

(11-05-18)星期五

今日悶悶地去睇早場"贖金獵殺"麻麻地好睇~~~~

跟住行商場超市睇下有乜野買?買左雪藏三文魚扒同雪藏蝦。

之後搭小巴返屋企放低D野又搭巴士出旺角去食"肥姐小食"

下午都好多人排隊．好耐冇食過原來又加左價

由$29蚊加到$32蚊.......加左$3蚊咁多喎

食得咁少點夠我飽再加多碗水餃米粉就差唔多啦...............

跟住又去朗豪坊超市睇下有咩好買．又買左牛油果6個$32.......

今日都好熱唔願行搭地鐵去鑽石山再轉車返屋企。

但未搭小巴前又行鑽石山商場超市睇下有乜好買?又買左

大粒奇異果3個$29蚊，同大粒士多啤梨一盒$37蚊

今日變左shopping day..................

今日又跑左38分鐘

簡簡單單晚餐

大大粒士多啤梨但味道一般般

(12-05-18)星期六

琴日左買D牛油果同蝦．今朝可以整早餐食啦..........

都幾好味又好食.........

又跑左39分鐘

簡單晚餐

(13-05-18)星期日

今日母親節＞舊年係屋企同阿媽慶祝．但今年在醫院裡面。

探完阿媽搭地鐵去堅尼地城遊一遊食下野。

因為我之前係呢區返過工。

去熱食中心醫肚先........我想食個間食店今日休息

咁食粥清清地~~籮白糕$6蚊可以自己選件大都得。

炸襾都係$6蚊抵食...........全部$29蚊

淨食粥我緊唔飽又行去成日幫襯果間聖羅蘭餅屋

買麵包食．想買忌廉包但賣完了........嗚嗚

咁試下呢款包啦............

又再跑左39分鐘

(14-05-18)星期一

今朝又整下健康早餐食........

今日中午唔知食乜好?.........咁落去彩虹道熟食中心食野

$30蚊又唔使自己煮又多菜選擇去邊度搵..........

 今日都好熱等太陽伯伯收工就出去跑步啦...............
今日累累地腳重重又跑左8個大圈時間38分鐘